venres, 13 feb 2015
Abel Caballero anunciou hoxe o traslado do desfile do Entroido para o domingo 22 de febreiro dadas as malas condicións climatolóxicas previstas para mañá pola tarde. Matéñense, en cambio, os concertos de Kiko Veneno e a Orquesta Filadelfia que actuarán mañá na Porta do Sol a partir das 22,30 h. O pregón de Mario Vaquerizo e o concerto de Nancys Rubias seguirán adiante esta tarde de venres, tal e como figuraba no programa festivo.
mércores, 11 feb 2015
Máis de 2.500 nenos e nenas de Primaria, entre 6 e 12 anos, pertencentes a 23 colexios da cidade participaron no Concurso de Pintura Vigolandia 2014, certame no que este ano se recoñeceu a imaxinación e o talento de 24 pequenos artistas. O alcalde entregou os premios aos galardoados durante un acto no que louvou a capacidade artística de todos os participantes e, en especial, dos premiados.
martes, 20 xan 2015
O alcalde anunciou este martes a principal novidade da celebración deste ano, despois dunha reunión que tivo lugar onte entre os representantes do goberno local e da AVV Casco Vello. Abel Caballero indicou que a festa terá lugar tanto na fin de semana previa como na propia do 28 e 29 de marzo, con actividades, mercadiños e escenificacións en cada unha.
xoves, 15 xan 2015
O cantante, escritor, periodista e actor Mario Vaquerizo será o encargado de dar comezo as festas do Entroido 2015 na cidade de Vigo o próximo venres 13 de febreiro. Tal e como explicou o rexedor, este polifacético artista pronunciará o pregón ás 20,15 horas na Porta do Sol e, a continuación, actuará co seu grupo Nancys Rubias.
venres, 2 xan 2015
O Concello organiza un ano máis a cabalgata de reis o cinco de xaneiro. Baixo a temática "O mundo máxico", un total de 1.200 persoas participarán nun desfile no que se repartirán 4.000 quilos de dulces sen gluten. Abel Caballero salientou que 15 carrozas e 8 grupos de animación tomarán parte no percorrido, que parte da glorieta de Isaac Peral ás 18 horas e percorrerá García Barbón, Policarpo Sanz e Porta do Sol.
mércores, 17 dec 2014
O alcalde de Vigo presentou este mércores unha nova edición de Vigolandia, no IFEVI desde o 26 ao 30 de decembro, con entradas a 3 euros. A organización programa numerosas actividades para todos os públicos, inclúe o concurso de pintura e habilita un punto de recollida de xoguetes e alimentos non perecedoiros.
xoves, 27 nov 2014
Abel Caballero informou que mañá venres, ás 19h na Porta do Sol, se celebrará o acto formal de acendido da iluminación de Nadal, coa actuación de Wöyza e o seu coro V-GO Negro Son. Xunto á decoración e iluminación, o goberno local organiza 60 actividades musicais e de animación pola cidade e 41 actuacións no Auditorio Mar de Vigo, ademais das propostas de ocio como a pista de xeo, Vigolandia, o circo de Nadal e o tiovivo da Porta do Sol.
luns, 11 ago 2014
Abel Caballero quixo hoxe luns facer balance das actividades do programa de festas que se desenvolveron ata o de agora cun "éxito notable". Referiuse aos concertos de Castrelos, ao Festival Folclórico, ademais das festas dos barrios e da Noite Branca dos Museos.
mércores, 30 xul 2014
A programación de festas do Concello inclúe a proxección da comedia "Encallados" que os vigueses e viguesas poderán ver mañá xoves 31 de xullo no Auditorio Municipal a partir das 20,30 horas. Dirixido por Alfonso Zarauza, o film está a percorrer teatros e auditorios de toda Galicia, con grande éxito de público e de crítica.
mércores, 23 xul 2014
O concelleiro de Cultura, Cayetano Rodríguez, e o presidente da Agrupación de Centros Deportivos e Culturais, Roberto Giráldez, presentaron este mércores a terceira edición desta cita. Os obradoiros para nenos súmanse ás máis de 25 actuacións de baile e música previstas, co colofón dos concertos de grupos nacionais e internacionais os días 24, 25 e 26 de xullo.
