Caballero asegurou este venres que son "as mellores festas da historia da cidade", que contan cun orzamento de 640.000 euros, un 10% superior ao pasado ano, e rematan o próximo 24 de agosto. O Concello programa concertos, teatro, gastronomía, actividade museística e infantil, en múltiples espazos da cidade. Castrelos acollerá os espectáculos de Malú e Jaime Cullum.
Abel Caballero reuniuse na tarde de onte con representantes da Confraría do Cristo da Victoria para preparar a procesión na que miles de vigueses sairán á rúa. A cita, prevista para o vindeiro domingo 3 de agosto, contará coa "cooperación, coma sempre" do Concello de Vigo, segundo explicou o rexedor.
"Segue o Baile" é unha iniciativa de Gas Natural que chega a Vigo este venres, de 18 a 20 horas na Praza de Constitución, unha sesión de baile con orquestra en directo con acceso libre e gratuito. O alcalde e o delegado Galicia Sur da empresa presentaron hoxe xoves na Alcaldía este evento lúdico.
Entre o 5 e o 8 de xuño chegará ao Auditorio Mar de Vigo a Art Beer Fest, a Feira Internacional da Cervexa artesana e os Mestres Cerveceiros. O Concello coopera con este certame internacional que reunirá marcas exclusivas de máis dunha ducia dee países durante catro días e que xa celebrou edicións en Caminha ou Lisboa.
O alcalde de Vigo participou esta mañá de venres na presentación da Ruta do Pincho da Lamprea do Miño no Museo de Arte Contemporánea de Vigo. A ruta, organizada polos Viveiristas e Pescadores da Guarda, xunto coa colaboración do Concello da Guarda, naceu coa finalidade de promocionar a Lamprea do Miño entre o público como un pincho a un prezo alcanzable.
O goberno de Vigo, segundo anunciou hoxe luns Santos Héctor, ven de decidir a nova data para o desfile, suspendido polas condicións climatolóxicas adversas. O Concello decantouse polo domingo, ás 17 horas, para non coincidir cos actos centrais do Día Internacional da Muller, que serán o sábado, 8 de marzo.
O concelleiro de Cultura, Cayetano Rodríguez, presentou este martes a programación do Entroido 2014, organizado polo goberno local en colaboración coa Agrupación de Centros Deportivos e Culturais e maila Federación de Peñas Recreativas "El Olivo". Celebrarase do 28 de febreiro ao 5 de marzo en distintos espazos da cidade.
Cristóbal Aguiló foi designado gañador da oitava edición deste certame, que distinguiu con dos accésits os carteis dos vigueses Emilio García e Leticia Rodríguez. O alcalde subliñou hoxe luns o "altísimo nivel" de boa parte das 44 propostas gráficas presentadas, expostas na lonxa do Concello ata o 30 de marzo.
Organizado polo Concello, o alcalde visitou este xoves o Parque Infantil de Nadal, que propón múltiples actividades para nenos desde hoxe ata o 8 de xaneiro, no vestíbulo do Auditorio Mar de Vigo. Con esta iniciativa, e por un euro, o goberno local ofrece obradoiros e espectáculos variados para rapaces de ata 12 anos.