O goberno local rebaixou a presión fiscal nun 1,8% desde xaneiro de 2013

venres, 1 ago 2014

A Xunta de Goberno Local deu luz verde a unha rebaixa fiscal dun 1,4% no IBI, Vehículos e Lixo, unha baixada que á que hai que sumar a conxelación real de todas as taxas e prezos públicos, ademais de elevar nun 2,8 os mínimos exentos. Ista diminución progresiva da presión fiscal na cidade supón que desde xaneiro de 2013, a carga fiscal baixará no 2015 en Vigo un 1,8%, tendo en conta que o IPC foi do 0,4%.

O Concello reclama 35.000 euros a Facenda polo céntimo sanitario anulado por Europa

mércores, 23 abr 2014

O alcalde informou hoxe mércores da reclamación efectuada polo Concello de Vigo ante o Ministerio de Facenda, correspondente ao gasóleo consumido entre os anos 2010 e 2012, unha vez que a xustiza europea invalidou o chamado céntimo sanitario. Os técnicos municipais estimaron a devolución en 35.000 euros, máis os xuros de demora, por máis dun millón de litros de gasóleo adquirido nos tres anos.

O Concello aproba unhas contas que incrementan un 12% os recursos para protección social e emprego

venres, 4 abr 2014

A Xunta de Goberno Local deu luz verde este venres ao orzamento municipal deste ano, 228 millóns de "profundo contido social e xeración de emprego", indicou o alcalde, quen informou da reserva de 19,1 millóns para protección social e emprego, case un 12% máis que en 2013, e 11,3 millóns de investimentos. O Concello inclúe 700.000 euros para bolsas de inglés.

Caballero ve "posibilidades" de aprobar o orzamento cunha "inmensa maioría dos votos"

martes, 18 feb 2014

O alcalde mantivo este martes reunións cos voceiros dos grupos municipais do PP e do BNG de cara á aprobación do orzamento presentado polo goberno local para 2014. Caballero informou da celebración de entrevistas en próximos días entre socialistas e populares para negociar "temas concretos", mentres que os nacionalistas manifestaron a súa vontade de votar en contra do documento.

Os orzamentos de 2014 permitirán ampliar os coidadores de barrio a 8 zonas da cidade

mércores, 12 feb 2014

Un incremento de máis do 50% nas achegas ao deporte de base e a ampliación dos coidadores de barrio a 8 zonas da cidade son algunhas das partidas concretas que o rexedor destacou hoxe mércores . Concretamente dixo que o servizo de coidadores pasará a prestarase en Lavadores, Bouzas, Miñoca-Balaídos, Travesas-Praza Independencia, Teis e Navia, ademais de seguir funcionando no Calvario e no Casco Vello, neste caso, ampliándose ata a zona de Torrecedeira.