Abel Caballero desvelou esta mañá os datos de ocupación hoteleira da pasada Semana Santa, sinalando que foi "practicamente o previsto", xa que o sector "estimaba un 60%". O rexedor tamén fixo fincapé en que "batemos récords de ocupación para os estándares da cidade", expoñendo que "a Semana Santa sempre foi en Vigo moi baixa, sen gran afluencia".
O aeroporto de Vigo rexistrou o pasado mes de febreiro “os mellores” datos dos meses con menor actividade turística, ao rexistrar 79.000 viaxeiros, segundo destacou este mércores o alcalde.
O Concello de Vigo colabora na organización da XIV edición do Congreso “O Ollo de Polisemo” de tradutores editoriais, que terá lugar os días 7 e 8 de marzo na Facultade de Filoloxía e Tradución, e no edificio Redeiras da Universidade de Vigo. Así o avanzaron este martes a concelleira de Política Social e Turismo, Yolanda Aguiar, e Liliana Valado, profesora universitaria e membro do comité organizador do simposio.
Os datos oficiais de ocupación do aeroporto rexistrados en novembro, o cuarto con mellores resultados de 2023, “confirman a Vigo como un dos grandes destinos turísticos de Europa e de España”. Así o asegurou este martes Abel Caballero ao indicar que o mes pasado o aeródromo rexistrou unha ocupación de voos do 78,75 por cento, superando en 3.5 puntos ás cifras de outubro.
A media de ocupación alcanzará o 94%. Durante o mes de novembro a cidade rexistrou unha ocupación superior o 62%, “o mellor novembro turístico de Vigo” co acendido do alumeado “unha semana despois que en 2022”.
Vigo pechará 2023 batendo o seu récord histórico de visitas turísticas, tanto nacionais como internacionais. O dato oficial do Instituto Nacional de Estatística do pasado mes de outubro constata un incremento do 13,5 por cento, e confirma a tendencia de aumento rexistrada desde xaneiro.
As luces de Nadal atraen a milleiros de cidadáns nos primeiros dous días da iluminación deste ano. Vigo rexistrou unha ocupación hoteleira do 97%.
A chamada do Nadal de Vigo consolida o rexistro dos mellores datos de ocupación hostaleira da cidade, con decembro ao cento por cento, así como da afluencia de turistas como constata o Instituto Nacional de Estatística, INE. Este escenario foi debuxado este xoves por Abel Caballero, a un día do acendido das luces do Nadal.
O terminal viguesa consolidou o pasado mes de outubro a senda do incremento de pasaxeiros. Recibiu a un total de 101.395 viaxeiros, que representan un incremento do 9,9 por cento con respecto ao mesmo mes de 2022, no que se contabilizaron 92.264 usuarios. "Crece a velocidade de cruceiro", asegurou Abel Caballero.
Abel Caballero recibiu este mércores ao novo director rexional de Carrefour, Gabriel García Aparicio. O alcalde expuxo ao directivo o impacto que representa na economía de Vigo, tanto nos sectores do turismo como do comercio, a transformación da cidade como referente turístico nacional, especialmente durante todas as festas de Nadal. Na reunión participaron os concelleiros de Festas Especiais e de Comercio, Ángel Rivas e Ana Laura Iglesias.