Vigo bate todos os seus récords de visitas turísticas, cun incremento do 13,5 % en outubro
Vigo pechará 2023 batendo o seu récord histórico de visitas turísticas, tanto nacionais como internacionais. O dato oficial do Instituto Nacional de Estatística do pasado mes de outubro constata un incremento do 13,5 por cento, e confirma a tendencia de aumento rexistrada desde xaneiro.
Abel Caballero destacou este martes que Vigo superou en outubro as súas mellores cifras de visitas de turistas da historia da cidade desde que existen rexistros oficiais, cun incremento do 13,5 por cento. “O mes de outubro foi o mellor mes turístico en ningún outubro na historia da cidade”, recalcou.
O alcalde detallou que o nivel de visitantes internacionais do mes pasado constatou un aumento do 34 por cento, e que estes representan xa o 35 por cento do total de turistas que visitan a cidade.
Os datos acumulados desde xaneiro a outubro verificou que se alcanzaron datos históricos na evolución e rexistros do turismo. “Estamos a ter o mellor ano que existiu nunca na historia de Vigo. Desde que hai rexistros do Instituto Nacional de Estatística nunca houbo un nivel de turistas como os que tivemos nos dez primeiros meses de 2023”, recalcó Abel Caballe