O alcalde de Vigo fixo este xoves unha visita ás dependencias da Policía Local para coñecer a nova aula de formación dos axentes e outras melloras realizadas, por exemplo nos vestiarios. A nova sala triplica as prazas dispoñibles e permitirá a realización este ano de 27 cursos de formación, especialización e actualización.
A central de comunicacións da Policía Local recibiu ao longo do ano pasado unha media de 70 chamadas ao día. A maior porcentaxe de chamadas responde a motivos de seguidade cidadá e os días con máis inicidencias son os venres e os sábados, tal e como detallou en rolda de prensa, o concelleiro de Seguridade, Carlos López Font.
O concelleiro de Seguridade, Carlos Font, fixo balance dunha campaña informativa realizada pola Policía Local en 229 vehículos, que evidencia que o 14% do total non cumprían coa norma legal aplicable aos Sistemas de Retención Infantil (SRI). O edil invitou a centros escolares e asociacións a solicitar un curso informativo que ofrece o Concello ao respecto.
A Xerencia de Urbanismo modificou o uso dotacional da parcela na que se sitúa o Parque de Bombeiros de Teis o que facilitará a construcción de novas intalacións. Así o avanzou o rexedor, quen engadiu que existe xa consignada unha partida de 800.000 euros.
O alcalde, Abel Caballero, presentou hoxe xoves o programa previsto para a celebración do Día Mundial da Bicicleta, que terá lugar o 20 e 21 de abril, en colaboración con A Golpe de Pedal e a ONCE, entre outras entidades colaboradoras. O obxectivo é promocionar o transporte sostible e os hábitos de vida saudables.
Abel Caballero mantivo hoxe mércores un encontro co policía local Miguel Selas para coñecer o proxecto fotográfico Into de world. Ese funcionario municipal percorreu o mundo retratando distintas vidas e sociedades con imaxes que xa expuso, con moito éxito, na Casa da Xuventude.
Abel Caballero e e a ex piloto María de Villota participaron hoxe venres nunhas xornadas de Educación Vial que o Hospital Vithas organizou para os alumnos do IES Rosais II. Durante a charla, enfatizouse a importancia da prevención e do respecto ás normas á hora de cruzar ou conducir.
Os concelleiros de Tráfico e Fomento, Carlos López Font e David Regades, respectivamente, foron hoxe martes os encargados de mostrar a sala de tráfico do Concello a uns 50 expertos internacionais en mobilidade. Esta visita se enmarca dentro do proxecto europeo Compass4D que busca reducir a contaminación e mellorar a circulación nas cidades.
Abel Caballero avanzou a participación de Vigo en Compass4D, un proxecto internacional de mellora do tráfico nas cidades en colaboración con outros 6 países europeos. Nesta iniciativa, dotada de 2,5 millóns de euros, participa o Concello e outras empresas de transporte da cidade, como Vitrasa.
O alcalde anunciou este martes que o Concello iniciará de inmediato as obras para crear 597 novas prazas de aparcamento no entorno de Teixugueiras, empregando principalmente espacios entre edificios. Caballero apuntou que un número "importante" destes estarán reservados para residentes en Navia.