xoves, 23 xan 2014
O goberno local sacou adiante a modificación de crédito para investir os 5,9 millóns de euros resultantes do superávit acadado polo Concello de Vigo no ano 2012. A tenente de alcalde, Carmela Silva, explicou que as melloras beneficiarán ao "conxunto da cidade" e suporán "unha importante fonte de xeración de emprego".
mércores, 8 xan 2014
Todos os grupos políticos coincidiron hoxe á hora de esixir á Xunta a usar o Instituto Galego de consumo para mediar na devolución do cobrado irregularmente nas clásulas solo hipotecarias. O PSOE presentou unha moción, que se aprobou cunha engádega do BNG, na que reiteran que os tribunais declararon de abusivas estas cláusulas.
mércores, 8 xan 2014
PP, PSOE e BNG decidiron actualizar o Plan de Emerxencia Municipal dando luz verde a unha moción do PP na que tamén aboga por afondar na coordinación e colaboración entre as distintas áreas e institucións.
xoves, 19 dec 2013
O Pleno aprobou definitivamente hoxe xoves a modificación da ordenanza ás compañías de telefonía móbil e da taxa ás empresas polo uso das galerías soterradas municipais, co apoio de PSOE e PP e a abstención do BNG. Por estes conceptos, o goberno de Vigo prevé recadar 775.000 euros o próximo ano, que investirá en política social, educativa e emprego.
luns, 25 nov 2013
O grupo municipal socialista presentou e aprobou, xunto ao BNG, unha moción na que insta ao goberno autonómico a deixar sen efecto o "desmantelamento" do 065 de transporte para persoas con problemas de mobilidade. O texto denuncia que o servizo deixaría de ser regular para converterse en puntual e introduciría o copagamento.
luns, 25 nov 2013
Os votos de nacionalistas e socialistas aprobaron unha moción que reclama ao FROB paralizar a decisión de vender Novagalicia Banco por ser unha entidade financeira sistémica para Galicia. Así o acordaron durante a sesión plenaria desta mañá no debate dun texto nacionalista, que contou co voto contrario do PP, que tamén pide oporse ante o Goberno Central a calquera tentativa de venda a outra entidade que supoña a perda do seu vencello territorial con Galicia.
luns, 25 nov 2013
Todos os grupos coincidiron ao valorar a necesidade de renovar a ordenanza reguladora do servizo de autotaxis para a cidade de Vigo. O grupo socialista aceptou esta moción porque vai na liña na que xa está a traballar o Goberno local.