luns, 1 xul 2013
A moción, presentada polo PSdeG ante o Pleno e apoiada polos nacionalistas, reclama do goberno autonómico que suprima a disposición que obriga aos concellos a incrementar as taxas aos usuarios deste servizo. Outra moción socialista aprobada pide á Xunta que retome as bolsas de comedor que deixou de conceder.
luns, 1 xul 2013
A Corporación Municipal de Vigo acordou hoxe luns, a proposta do BNG e co apoio do PSdeG, solicitar do goberno de España "que desista do proceso de desmantelamento e privatización" do sistema ferroviario e o mantemento das liñas existentes, que no caso vigués afecta ás conexións de media distancia con Ourense.
luns, 1 xul 2013
Os voceiros dos tres grupos políticos rubricaron no Pleno desta mañá unha declaración conxunta para defender o naval de Vigo. Todos os partidos coincidiron na necesidade de instar a todas as administracións implicadas a aumentar a súa presión en Bruxelas para evitar calquera decisión que poidera supor a desaparición deste estratéxico sector.
luns, 1 xul 2013
Os votos de PSOE e BNG deron luz verde a unha proposta socialista que solicita que o aeroporto de Vigo compita e se desenvolva nas mesmas condicións que o resto de infraestruturas aeroportuarias de Galicia. Esta foi unha as propostas aprobadas hoxe ao longo do pleno extraordinario convocado para falar da situación de Peinador.
luns, 27 mai 2013
O Partido Popular presentou hoxe luns unha moción na que solicita que se recupere a celebración do Día da Muñeira, unha petición que atopou o respaldo do resto dos grupos políticos.
luns, 27 mai 2013
A concelleira de Economía e Facenda, Raquel Díaz, asegurou este luns no Pleno da Corporación que o Concello de Vigo paga as súas facturas nunha media de 34 días, cando a Xunta de Galicia o fai en 69, a Deputación en 70 e o Goberno de España en 78 días.
luns, 27 mai 2013
Os tres partidos con representación no Concello -PP, PSOE e BNG- sumaron os seus votos para reclamar a paralización da reforma que prepara o Ministerio de Xustiza e o mantemento do partido xudicial de Vigo. Dúas mocións, presentadas polo PP e o PSOE, sairon adiante co apoio dos tres grupos políticos.
luns, 27 mai 2013
A Corporación municipal de Vigo aprobou este luns unha declaración institucional de solidariedade cos traballadores de Pescanova e apoio ás eventuais mobilizacións que decidan levar a cabo en defensa dos seus empregos. O Pleno tamén reclamou á Xunta que adopte medidas para manter a galeguidade e os postos de traballo da multinacional.