A maioría da Corporación solicitou unha auditoría das patoloxías das cubertas dos centros educativos da cidade, tendo en conta que a maioría deles foron construídos hai máis de 50 anos. O Pleno tamén solicitou un plan de choque para rebaixar a lista de agarda da Teleasistencia.
A sesión plenaria do mes de decembro aprobou a moción socialista que propón establecer un convenio de colaboración entre Concello, Deputación de Pontevedra e Xunta de Galicia para formalizar contratos públicos de apoio a voos desde Vigo. Saíu adiante co voto favorable dos socialistas e o voto en contra de PP e BNG.
Elena Espinosa lamentou “a saturación permanente, os atrasos, o amoreamento e o progresivo deterioro da calidade asistencial” e pediu garantir “unha atención sanitaria digna, segura e de calidade. Tamén desde o Grupo Socialista instaron de novo á Xunta a decretar a gratuidade do aparcadoiro do hospital e a ceder ao Concello unha parcela para construír un novo para o persoal e persoas usuarias.
A Corporación Municipal aprobou hoxe, cos votos a favor do grupo municipal socialista e a abstención dos edís do PP e do BNG, a cualificación como investimentos financeiros sostibles de 22 actuacións programadas nas áreas de vías e obras, educación e deportes, por 22 millóns de euros, que non computarán como teito de gasto ao proceder do superávit de 2024, como fixa o Real Decreto Lei aprobado neste mes de decembro polo Goberno Estatal. Os investimentos forman parte da ampliación do orzamento en 72 millóns de euros.
O Pleno da Corporación Municipal acordou hoxe, cos votos a favor dos grupos municipais do PSdeG-PSOE e do BNG e a negativa dos edís do PP, esixir á Consellería de Educación un plan “serio e calendarizado” para substituír todas as caldeiras dos colexios públicos da cidade coa finalidade de garantir o confort térmico da comunidade escolar, así como dotar ao CIPF Manuel Antonio do persoal docente necesario para atender a todo o alumnado.
Abel Caballero anunciou este luns a aprobación da terceira prórroga, entre 2026 e 2030, da concesión da xestión integral do servizo municipal de abastecemento e saneamento da auga de Vigo que conleva un investimento de máis de 41,7 millóns de euros sen incrementar o prezo do recibo.
A Corporación Municipal de Vigo aprobou definitivamente os orzamentos de 2026 que ascenden a 350,8 millóns de euros. Saíu adiante cos 19 votos a favor do Grupo Municipal Socialista e 7 en contra do PP e do BNG.
A Corporación Municipal de Vigo aprobou hoxe, cos votos a favor dos grupos municipais do PSOE e do BNG e a abstención do PP, o convenio de colaboración co Instituto Galego de Vivenda e Solo para prorrogar a vixencia do Consorcio do Casco Vello e o marco financeiro ata o 31 de decembro de 2029.
Rosario Otero, presidenta da Asociación Rede de Mulleres Veciñais contra os malos tratos de Vigo foi a encargada de ler este luns no Pleno Municipal a declaración institucional con motivo do Día Internacional da eliminación da violencia contra a muller
Os grupos municipais do PSOE e do BNG acordaron no Pleno de hoxe, coa oposición dos edís do PP, instar á Xunta a poñer en marcha un plan para rebaixar os tempos de espera de acceso a unha intervención cirúrxica e a probas como as radiolóxicas.