O 29 de marzo e o 16 de agosto serán os festivos locais do ano 2027
O Goberno municipal levará ao Pleno do mes de xullo a proposta para fixar os dous días festivos do vindeiro ano, coincidindo coa Reconquista e San Roque.
Abel Caballero anunciou que o Goberno municipal levará ao Pleno do mes de xullo a proposta para aprobar os dous festivos locais do calendario laboral de 2027. A proposta mantén como datas sinaladas dúas celebracións emblemáticas da cidade: a Festa da Reconquista e San Roque.
Deste xeito, os festivos locais serán o luns 29 de marzo, ao trasladarse a celebración da Reconquista por coincidir o 28 de marzo en domingo, e o luns 16 de agosto, festividade de San Roque. Caballero destacou que ambas datas forman parte da identidade e da tradición viguesa e permiten recoñecer dúas das celebracións con maior arraigamento social e histórico da cidade.