xoves, 28 dec 2023
O pleno da coporación municipal de Vigo aprobou provisionalmente este xoves, con 17 votos a favor do grupo municipal socialista, 5 abstencións do PP e a negativa dos 3 concelleiros BNG, o novo Plan Xeral de Ordenación Municipal, PXOM. O acordo que aluma o novo plan urbanístico de Vigo, que contempla a construción de 14.390 vivendas en réxime de protección para proporcionar pisos a prezos razoables aos vigueses, representa segundo Abel Caballero, a continuidade da senda marcada polo seu goberno para “seguir facendo Vigo”. A concelleira de Urbanismo, María Xosé Caride, destacou que fronte ás máis de 66.000 alegacións presentadas ao plan de 2008, o de 2023 contabilizou 4.502 das que o 77 por cento foron incorporadas.
mércores, 27 dec 2023
A corporación municipal ha aprobado definitivamente este mércores, con 18 votos a favor do grupo municipal socialista e 8 en contra dos concelleiros do PP e do BNG, os orzamentos municipais para 2024. Vigo estreará o novo ano cunhas contas de récord, ao alcanzar os 316,6 millóns de euros e superar en 24,5 millóns ás de 2023. Abel Caballero destacou que o goberno leva 17 anos aprobando o orzamento “en tempo e forma” o que permite poder realizar investimentos e desenvolver políticas sociais e deportivas, así como o modelo global de Vigo. Apuntou que entre os 37 millóns de investimentos previstos polo goberno que preside para o ano que vén, e os Fondos Europeos provenientes do Goberno de España, a cidade contará con 50 millóns para proxectos, que se suman a outros 55 en execución. "Os orzamentos terán unha quenda de investimentos excepcionais", afirmou.
luns, 27 nov 2023
En representación do Consello Municipal da Muller, María del Mar Ferrero Cuesta, da asociación “Empresarias de Galicia”, colectivo integrante do Consello leu no Pleno deste luns a declaración institucional con motivo da celebración do 25N
luns, 27 nov 2023
O Pleno do Concello acordou este luns, cos votos dos concelleiros do PSdeG-PSOE e do BNG, instar á Xunta a que inclúa nos orzamentos de 2024 unha partida específica para implantar, con medios materiais e de persoal suficientes, gardas de 24 horas nos xulgados de instrución de Vigo para afrontar os 22.000 casos que están sen resolver. Os cinco edís do PP votaron en contra da reclamación.
luns, 27 nov 2023
O Concello reclama á Xunta que os orzamentos de 2024 inclúan unha partida para executar as comprometidas obras de ampliación do túnel de Beiramar ata a rúa Coruña. Así foi acordado este luns no Pleno da Corporación Municipal cos votos dos grupos municipais do PSdeG-PSOE e do BNG e coa abstención do PP.
luns, 27 nov 2023
A moción socialista esixindo á Xunta de Galicia a gratuidade dos libros de textos e materiais curriculares recibiu o voto negativo do grupo popular.
xoves, 23 nov 2023
A Corporación Municipal de Vigo aprobou este xoves os orzamentos municipais para 2024 co voto a favor do grupo municipal socialista e o rexeitamento dos edís do PP e do BNG. As contas para o próximo exercicio, aprobadas hoxe inicialmente, ascenden a 316,6 millóns de euros. O concelleiro de Orzamentos e Facenda, Jaime Aneiros, asegura que “atenden a todas as necesidades” da cidade, ademais de afondar na “extraordinaria estabilidade” política e económica dunha urbe que conta con “débeda cero”.
luns, 30 out 2023
O Grupo Municipal Socialista defendeu investimentos “que foron constantemente reiterados”. Tamén se aprobou instar á Xunta a dar apoio á liña de alta velocidade Vigo-Ourense por Cerdedo, á que o Grupo Popular votou en contra.
luns, 30 out 2023
O Concello de Vigo acordou, cos votos dos edís do PSdeG-PSOE e do BNG e a negativa dos concelleiros do PP, instar á Xunta a incluír nos orzamentos de 2024 unha partida de 12 millóns de euros para afrontar a mellora integral dos centros de educación públicos.
luns, 30 out 2023
O edil de Facenda, Jaime Aneiros, deu conta no Pleno do estado da execución de gastos e ingresos do orzamento correspondente ao terceiro trimestre deste ano e do informe trimestral de Tesourería sobre o cumprimento dos prazos para o pago das obrigas.
