O Pleno da Corporación debatiu e aprobou este luns unha moción presentada polo BNG sobre o aeroporto de Vigo, que foi validada grazas ás abstencións de socialistas e populares. O texto esixe a execución dos investimentos previstos en Peinador e solicita da Xunta o mesmo trato para as tres terminais galegas.
A moción presentada polos socialistas no Pleno deste luns, aprobada por unanimidade, reclama da Xunta de Galicia e do Ministerio de Medio Ambiente, Rural e Mariño "que aporten polo menos a mesma cantidade que o Concello de Vigo" a Conxemar. O goberno de Vigo achega 100.000 euros á primeira feira de conxelados do mundo, o dobre do aportado polos gobernos autonómico e estatal.
A tenente de alcalde defendeu hoxe a boa xestión económica do Concello esgrimiendo no Pleno os datos do Informe trimestral de Tesourería sobre o cumprimento dos prazos de pago de facturas. Tal e como explicou, o Concello realizou 2.654 pagos cun periodo medio de prazo de 19,93 días, moi por debaixo dos 30 días como máximo que prevé a Lei de Morosidade.
A unanimidade do Pleno aprobou na sesión plenaria desta mañá o PERI de o Barrio do Cura, unha peza "fundamental para a recuperación do Casco Vello". A concelleira de Urbanismo, Carmela Silva, foi a encargada de defender un ámbito que suporá inicio do camiño para "rehabilitación integral dunha zona estratéxica para a cidade"
Os tres grupos municipais apoiaron a proposta do Partido Popular e enmendada polo grupo nacionalista que pretende instar ao Goberno Municipal e á Xunta a crear un programa para a integración do alumnado con necesidades específicas. No pleno de hoxe, tamén se deu vía libre á consideración da creación dun festival internacional de teatro.
A sesión plenaria celebrada este venres rematou coa aprobación inicial das contas deste ano co apoio dos grupos socialista e popular e a oposición nacionalista. 24 dos 27 concelleiros ratificaron o maior apoio da historia recente da cidade a uns orzamentos municipais, os presentados polo goberno local, "máis sociais e máis solidarios", en verbas da tenente de alcalde, Carmela Silva.
Os tres partidos políticos coindiron hoxe ao urxir ao Goberno Central a axilizar as convalidacións ao Plan Bolonia das titulacións da Universidade de Vigo. Outra das mocións populares que se aprobaron esta mañá foi instar á Xunta a analizar a viabilidade dunha unidade de afectados de lesións medulares na área de Vigo.
Os socialistas prantexaron na sesión Plenaria desta mañá a importancia de defender o partido xudicial de Vigo e, polo tanto, instar á retirada do anteproxecto de Lei Orgánica do Poder Xudicial, contando nesta ocasión co apoio do PP. O PSOE tamén presentou un texto reclamando o IVE reducido para as perruquerías que obtivo o respaldo de toda a Corporación.