luns, 22 feb 2016
O martes, 23 de febreiro ás 19:00h o Centro de Documentación e Recursos Feministas acollerá o faladoiro "Rosalía, feminista" que impartirá Anxo Angueira, presidente da Fundación Rosalía de Castro. Actividade que se enmarca dentro dos actos que o Concello de Vigo organiza con motivo da celebración do Día de Rosalía o día 24 de febreiro
martes, 16 feb 2016
Este xoves, 18 de febreiro, ás 19:00 h, no Centro de Documentación e Recursos Feministas, faladoiro sobre o libro: "Un cesto de mazás. Memoria das vítimas do 36 e do tempo que veu" con Montse Fajardo (autora)
mércores, 10 feb 2016
A Concellería de Igualdade informa da programación semestral que reúne as actividades que ata o mes de xuño organízanse na Casa das Mulleres e no Centro de Documentación e Recursos Feministas: exposicións, obradoiros, faladoiros e presentacións de libros, cafés literarios...
martes, 9 feb 2016
O Grupo de traballo en igualdade Fiadeiras do CEESG (Colexio de educadoras e educadores sociais de Galicia) presenta en Vigo no Centro de Documentación e Recursos Feministas o libro "Machismos: de micro nada" o mércores, 10 de febreiro de 2016 ás 19:00 hora. Interveñen Noelia Darriba, Eva Bastón e Tania Merelas.
martes, 2 feb 2016
A Concellería de Igualdade lembra que está aberto o prazo de inscrición para participar en catro obradoiros de carácter gratuíto que se impartirán na Casa das Mulleres: "Obradoiro de creación en video", "Obradoiro de Pintura", "Encontro para mulleres: xénero feminino, número singular" e "Obradoiro de escritura: escribir a nosa historia" Dirixidos a mulleres maiores de 18 anos.<br />
mércores, 30 dec 2015
O rexedor vigués mantivo un encontro este mércores con Alicia Peralejo e Victoria Romero, presidenta e vicepresidenta da asociación Acción contra a violencia de xénero, á que Caballero amosou todo o apoio do Concello no desenvolvemento do seu labor xa que "en Vigo queremos estar continuamente na loita contra a violencia de xénero sen ningunha limitación nin restrición" e solicitou á Xunta de Galicia "que dedique máis recursos a esta loita en Vigo".
luns, 7 dec 2015
Da man da Concellería de Igualdade a compañía Inversa Teatro representará no auditorio municipal a peza teatral "té con kant" o vindeiro mércores, 9 de decembro ás 21h, con entrada libre ata completar o aforo. Té con Kant é un proxecto experimental que conxuga a combinación entre o ensaio filosófico e a creación escénica xogando co humor e a ironía para obter unha peza de teatro íntima próxima ao formato de teatro-didáctico-conferencia.
luns, 30 nov 2015
O Centro de Documentación e Recursos feministas acolle a presentacion do libro "Rosalía Mera:el hilo suelto", de Xabier R. Blanco (La esfera de los libros, 2015), o martes, 1 de decembro de 2015 ás 19:00 horas. Interveñen Xabier R. Blanco e Manuel Vázquez Sola.
mércores, 25 nov 2015
O EnlazaVigo reuniu hoxe a 2.000 estudantes para conmemorar o Día Internacional da eliminación da violencia contra as mulleres con actividades informativas, lúdicas e de concienciación na rúa do Príncipe e a conformación dun tapiz humano que simboliza o berro unánime da cidade contra a violencia machista. No acto central, Raquel Doval, en representación do Consello Municipal da Muller leu un manifesto de rexeitamento desta lacra e todos os asistentes gardaron un minuto de silencio en recordo das mulleres asasinadas.
martes, 24 nov 2015
Mañá mércores ás 12 horas desenvólvese en Vigo o acto central do Día Internacional da eliminación da violencia contra as mulleres que este ano ten como lema "somos quen de deter a violencia de xénero" e que reunirá no farol de Urzáiz a 1.800 estudantes para conformar un tapiz humano co que se amosará o rexeitamento da cidade a esta lacra. A concelleira de Igualdade, Uxía Blanco, presentou as actividades da xornada acompañada de representantes de varias entidades do Consello Municipal da Muller.