O Consello Municipal das Mulleres do Concello de Vigo, en convocatoria ordinaria do luns 4 xullo de 2016, acordou informar á cidadanía da situación horaria no punto de encontro, dependente da Xunta de Galicia.
A Concellería de Igualdade organiza ao acto de presentación do libro "Elas" da escritora Aurora Marco, acto que inaugurará a mostra que baixo o mesmo título estará exposta na sala de exposicións da Casa Galega da Cultura desde o día 18 de maio ata o día 19 de xuño. O libro é unha compilación de biografías seleccionadas ad hoc, que permite ter unha visión do papel determinante que tiveron na sociedade do seu tempo as mulleres galegas.
O alcalde, Abel Caballero, tomou parte este xoves do programa organizado pola Fundación Menela, un acto protagonizado polos rapaces da entidade para a sensibilización e concienciación da "necesidade de tecer unha rede de apoio ás persoas e familias con autismo", en verbas de Caballero.
No marco do programa de actos que con motivo da conmemoración do "8 de marzo", Día Internacional das Mulleres, organiza o Consello Municipal da Muller e maila Concellería de Igualdade, esta semana desenvolveránse as seguintes actividades:
A próxima semana as mulleres serán protagonistas da man do proxecto "Cinema e Muller", unha proposta multidisciplinar que procura dar visibilidade á creación artística e cinematográfica das mulleres a través de proxeccións, charlas e dunha película colaborativa conformada por dez microcurtas dirixidas por cineastas.
O Centro de Documentación Feminista de Vigo acolle o xoves,10 de marzo, ás 19.00 horas, a presentación do libro "Mary Quintero.Retratista desde os 15 anos"(Xerais, 2015).No acto participarán Fernanda Padín, autora dos textos e Mary Quintero.<br />
O acto central do Concello de Vigo para celebrar o 8 de marzo, o Día Internacional da Muller, contou na tarde do martes coa participación de numerosas deportistas, que fixeron exhibicións de taekwondo, baile deportivo, esgrima, ximnasia acrobática e artística, como representación das máis de corenta modalidades que se poden practicar nas escolas deportivas municipais.
No marco do programa de actos que a Concellería de Igualdade e mailo Consello Municipal da Muller de Vigo organizan en marzo con motivo da conmemoración do "8 de marzo", Día Internacional das Mulleres, o mércores día 9 proxectarase o documental "Fíos Fora" ás 20.00 horas no Centro Cívico do Casco Vello. O documental trata das mulleres galegas que traballaron no sector textil.
O alcalde indicou este martes que "queremos amosar o noso apoio total ao deporte feminino" e "non soamente hoxe". O goberno local programa para esta tarde no Auditorio Mar de Vigo un "gran encontro con centos de mulleres deportistas" que farán exhibicións de taekwondo, baile deportivo, esgrima, ximnasia acrobática e artística.
O Consello Municipal da Muller de Vigo co lema "Tempos sen exclusións das mulleres", como dende hai xa vintetrés anos, imos realizar unha serie de actividades para reivindicar o "8 de marzo día internacional das Mulleres".