A Concellería de Medio Ambiente programa rutas en veleiros que se celebrarán os días 21, 22 e 28 de xuño. As persoas interesadas poden inscribirse ata o martes día 17 de xuño no 010. "Vigo camiño a camiño" daralle aos cidadáns, a oportunidade de coñecer a bordo dun veleiro a riqueza do medio mariño de Vigo, as artes tradicionais de pesca e mesmo mergullarse nas augas do Atlántico.
Máis de 8.000 persoas participaron nas 11 rutas que incluía o programa de sendeirismo do Concello "Vigo camiño a camiño" que se celebrou desde o pasado 2 de marzo. A cifra deuna a concelleira de Medio Ambiente, Chus Lago , nun acto de peche do programa, que tivo lugar onte mércores pola tarde , no que lembrou que con esta inicitiva o Concello deu a posibilidade de coñecer mellor o contorno natural da cidade ao mesmo tempo que aprender a respectar e coidar o patrimonio ecolóxico de Vigo.<br />
O domingo, 8 de xuño, Día Mundial dos Océanos, terá lugar a derradeira ruta de sendeirismo do programa "Vigo camiño a camiño" que nesta ocasión discorrerá polas Illas Cíes. Trátase dunha iniciativa do Concello de Vigo impulsada pola Concellería de Medio Ambiente, de xeito conxunto coa dirección do Parque Nacional Marítimo-Terrestre das Illas Atlánticas de Galicia.
Abel Caballero, acompañado do concelleiro de Persoal, Carlos L. Font, encontrouse este xoves con representantes da ONG Amigos da Terra, co gallo da celebración do Día Internacional do Medioambiente. A reunión tivo lugar na Praza do Rei, onde os ecoloxistas trataron co alcalde e Presidente da Rede de Cidades polo Clima os asuntos relativos ao cambio climático.
A concelleira de Medioambiente, Chus Lago, presentou este venres as novidades da recta final do programa municipal "Vigo Camiño a Camiño", que contempla conferencias, rutas en veleiro e actividades divulgativas. Estas iniciativas se celebrarán por mor do Día Mundial de Medio Ambiente e do Día Mundial dos Oceános.
"Nano" é o nome elixido, para a cria de macaco que se atopa en Vigozoo, de entre máis dos 247 propostos no pasado concurso online organizado a través do diario Faro de Vigo.
Abel Caballero valorou de forma positiva este outorgamento, que recoñece a calidade dos areais de A Punta, O Vao, Rodas, O Tombo do Gato, Canido e Fontaiña. En comparación co ano pasado, a cidade conta cunha distinción menos, a da praia de Argazada, en Alcabre, un "erro de interpretación" do organismo que concede as bandeiras ao considerala como parte de Samil, explicou o alcalde.
<br /> Abel Caballero avanzou que se creará unha Comisión Delegada do goberno para o ruido, con carácter permanente e inicialmente presidida polo alcalde, e se convocará periódicamente a Comisión de Ruidos. As comisións elaborarán un plan que incuirá unha batería de medidas contra o ruido. A primeira delas, a vixilancia preventiva.
<br /> O alcalde avanzou que o Concello está a actualizar a ordenanza municipal de medioambiente, que databa de 1994, que equiparará as sancións por contaminación ás de ámbito estatal e autonómico. As multas, que ata o de agora non superaban os 90 euros, poderían alcanzar os 3.000 euros. Abel Caballero advirte que a "tolerancia cero" cos verquidos "vai moi en serio".
O alcalde e o Presidente do Parque Illas Atlánticas revisaron este xoves as actuacións pendentes, como a recuperación da ubicación orixinal da duna para o verán de 2009, co paseo por detrás da mesma. Ademais tratouse a reparación do molle de Rodas, a recuperación do deseño orixinal do local e a rehabilitación da ponte de pedra entre as dúas partes da isla. Para este último proxecto, Abel Caballero quere contar cunha "figura da arquitectura e o urbanismo de talla mundial".