A concelleira de Medioambiente, Chus Lago, presentou este mércores a semana de actividades coa que o goberno local quere conmemorar o 5 e 8 de xuño, os días do Medioambiente e dos Océanos, respectivamente. O sábado ábrese o programa cunha xornada na praia da Fonte.
A Asociación de Educación Ambiental e do Consumidor (ADEAC) concedeu as nove distincións que solicitou este ano o Concello de Vigo para os seus areais, un número que supera os oito de Cartagena e Barcelona e posiciona a Vigo como a gran cidade española cun maior número de bandeiras azuis.
A concelleira de Medio Ambiente, Chus Lago, deu conta hoxe martes da instalación das primeiras mesas de traballo -na horta urbana de Pedro Alvarado- adaptadas á persoas con mobilidade reducida. Trátase dixo, dun novo impulso, nun proxecto no que xa participan preto de 400 vigueses.
O alcalde visitou este mércores unha das sesións da investigación que leva adiante o Concello, xunto coa Universidade de Vigo, para mellorar o protocolo de actuación do persoal municipal ante unha Reanimación Cardio Pulmonar e incrementar así as posibilidades de supervivencia dunha vítima.
A concelleira de Medio Ambiente, Chus Lago, explicou esta mañá que o 6% da poboación de Vigo utilizou nalgún momento algún dos servizos do Plan Saúde, no que se inclúe o Camiño a camiño. Desde 2008, un total de 17.516 usuarios formaron parte dos programas de actividade física, das charlas divulgativas ou de medicións antropométricas, algunhas das iniciativas impulsadas desde este plan municipal.
Co obxectivo de que a zona de Samil estea en perfecto estado de cara ao verán, o rexedor achegouse esta mañá as praias para comprobar o avance das obras de posta a punto. Entre outras, referiuse á neceside de afianzar algúns muros e repoñer algunha baldosa.
Tras a Xunta de Goberno Local, o alcalde informou da decisión de crear en Navia a maior horta urbana impulsada polo Concello ata o momento, 4.000 metros cadrados en Navia que darán servizo a unhas 200 persoas, aproximadamente. Navia únese ás xa existentes en Fontáns, Pedro Alvarado e Camelias.
O alcalde mantivo hoxe xoves unha reunión coas dez asociacións beneficiarias en 2013 deste programa do Plan Saúde, un proxecto levado adiante por profesionais que emprega a cadelas como terapia para persoas, por exemplo, con alzheimer ou hiperactividade.
O alcalde de Vigo anunciou que a partir de hoxe venres non se instalarán na cidade circos con animais. Así o decidiu a Xunta de Goberno Local, atendendo sobre todo a criterios de defensa dos animais aínda que hai outros motivos, como o sanitario.