A praia do Vao acolleu este mércores o acto de izado das nove bandeiras azuis que distinguen a calidade e os servizos das praias viguesas. O camiño do Lagares tamén recibiu este ano o sendeiro azul e o Museo do Mar, edificio azul, co que Vigo acada en 2014 once distincións, o maior número de recoñecementos colleitado polas grandes cidades de España, segundo apuntou o alcalde.
Sesenta socorristas vixiarán este verán os arenais vigueses e operarán por turnos para garantir un mínimo de 43 vixiantes por quenda. O Concello asinou un convenio con Cruz Vermella para prestar, un ano máis, a asistencia sanitaria e de primeiros auxilios e transporte sanitario nas praias por un importe de 152.215 euros.
O alcalde de Vigo achegouse esta mañá ao humedal de A Bouza para conmemorar o día Internacial do Medio Ambiente, que se celebra mañá. Durante a visita, Caballero coñeceu as dúas sinais de precaución coas que o Concello pretende preservar as aves que cada ano saen do humedal cara ao río Lagares.
O alcalde comunicou na mañá deste venres que as Illas Cíes serán o escenario da entrega das 9 bandeiras azuis e a senda azul outorgadas a Vigo, a principios do mes de xuño. Ademáis, no areal de Rodas, se entregarán as bandeiras obtidas polas praias do resto de Galicia. En verbas de Caballero, "será unha grande homenaxe aos que contribuyen a manter as praias limpas, ás persoas que as disfrutan, e ás propias Illas Cíes", propostas a acadar o título de "Patrimonio Medioambiental da Humanidade".
O alcalde amosou hoxe xoves a súa satisfacción por conseguir todas as solicitadas na cidade e ser Vigo, xunto a Cartaxena, a cidade española con maior número de bandeiras azuis nas praias. O Concello de Vigo recibe tamén a distinción "Sendeiro Azul" para a senda do río Lagares. Caballero subliñou que "non é facil" obter este recoñecemento "nun ámbito municipal densamente industrial", como é Vigo.
Concello e Mancomunidade de Montes de Vigo rubricaron este xoves un acordo de colaboración en materia medioambiental, convenio que promove a organización de actividades de educación ambiental, a reparación e limpeza dos roteiros polos montes de Vigo, a creación de novos percorridos e a cooperación para prevención de lumes.
O Plan Saúde do Concello de Vigo contou con 16.161 usuarios desde a súa posta en marcha, o que supón, segundo explicou a concelleira de Sanidade e Medio Ambiente, Chus Lago, que máis dun 5% dos vigueses participou nalgunha das súas actividades. Unha das iniciativas que máis éxito ten é a formación sobre prevención cardiovascular e primeiros auxilios na que participaron 2.597 persoas.
O nacemento dunha cría ualabí, unha nova instalación dos cabaliño de mar e a renovación do mariposario son, xunto co novo reciento dos búhos reais e un porco-espín e os pecarís, as últimas novidades de Vigozoo. A concelleira de Medio Ambiente, Chus Lago, presentou hoxe habitantes recén chegados ás instalacións munipais de A Madroa.
Tal e como explicou hoxe o rexedor, esta iniciativa permitirá aos vigueses achegarse a "ese gran descoñecido" que son os montes de Vigo. Acompañado da concelleira de Medio Ambiente, Chus Lago, fixo un chamamento á participación nunha actividade complementaria ao exitoso proxecto Camiño a Camiño, que conta nestes momentos cunha participación de máis de 4.000 persoas.
A tenente de alcalde, Carmela Silva, e a concelleira de Medioambiente, Chus Lago, presentaron este mércores a sétima edición do Camiño a Camiño, iniciativa que se retoma o 16 de marzo e na que participaron en 2013 case 4.500 persoas. O goberno local suma rutas por covas e fervenzas e unha gran andaina polos montes de Vigo, entre outras novidades.