xoves, 5 feb 2015
Así o informou este xoves o alcalde de Vigo logo dunha visita con escolares ao humidal da Bouza pola conmemoración do Día Mundial dos Humidais. Abel Caballero asegurou que a cidade ten a capacidade técnica, económica e a sensibilidade ambiental necesaria para asumir a competencia, que reclama para o municipio sen contrapartida económica.
venres, 30 xan 2015
O programa medioambiental Camiño a camiño inicia o súa novena edición cunha ruta desde Oporto, unha das novidades da programación que presentou esta mañá de venres a concelleira de Medio Ambiente, Chus Lago. Segundo detallou en rolda de prensa, unhas 8.000 persoas participaron nesta iniciativa no 2014. <br />
luns, 29 dec 2014
O alcalde presentou este luns os novos proxectos do recinto vigués da Madroa, cada vez máis orientado á educación social e ambiental. VigoZoo ultima unha cabana de madeira de 20 metros cadrados nunha árbore, na que se poderá pernoctar, como parte das actividades educativas ofertadas para os máis pequenos.
martes, 2 dec 2014
O alcalde avanzou hoxe que a depuradora suporá un avance cara ao "Vigo no que queremos vivir, unha cidade que non contamine e que respecte a ría e a pesca". Así o dixo este martes nunha visita ás obras na que estivo acompañado pola ministra de Medio Ambiente e o presidente da Xunta, entre outras autoridades.
luns, 1 set 2014
O concelleiro de Medio Ambiente en funcións, Carlos López Font, avanzou hoxe que o servizo de socorrismo municipal realizou un total 8.417 actuacións at a o 31 de agosto, cunha media de 110 ao día. Tal e como explicou, trátase dun "bo" servizo, que se complementa coa acción da Policía Local e que se vertebra en treis eixos: prevención, vixiancia e actuacións concretas.
xoves, 7 ago 2014
Abel Caballero achegouse esta mañá a unha das sesións do curso de Reanimación Cardiopulmonar que o Concello está a impartir en Samil. Esta iniciativa de formar a usuarios dos arenais, 60 ao día, súmase á instrucción que xa se realizou á axentes da Policía Local, mozos e mozas nos centros de Xuventude e alumnos e profesores de 13 centros educativos da cidade. En total, desde 2011, son 2.500 persoas as formadas en primeiros auxilios.
martes, 8 xul 2014
Así o anunciou este martes o alcalde, Abel Caballero, quen explicou que a Xunta de Goberno Local validou os proxectos básico e de execución de consolidación dos cimentos de nichos nunha zona do cemiterio, por importe de case 120.000 euros. O rexedor recordou que o Concello realizará a obra polo interese público da mesma, pese a que os afectados son de titularidade privada.
mércores, 2 xul 2014
A praia do Vao acolleu este mércores o acto de izado das nove bandeiras azuis que distinguen a calidade e os servizos das praias viguesas. O camiño do Lagares tamén recibiu este ano o sendeiro azul e o Museo do Mar, edificio azul, co que Vigo acada en 2014 once distincións, o maior número de recoñecementos colleitado polas grandes cidades de España, segundo apuntou o alcalde.
xoves, 12 xuñ 2014
Sesenta socorristas vixiarán este verán os arenais vigueses e operarán por turnos para garantir un mínimo de 43 vixiantes por quenda. O Concello asinou un convenio con Cruz Vermella para prestar, un ano máis, a asistencia sanitaria e de primeiros auxilios e transporte sanitario nas praias por un importe de 152.215 euros.
mércores, 4 xuñ 2014
O alcalde de Vigo achegouse esta mañá ao humedal de A Bouza para conmemorar o día Internacial do Medio Ambiente, que se celebra mañá. Durante a visita, Caballero coñeceu as dúas sinais de precaución coas que o Concello pretende preservar as aves que cada ano saen do humedal cara ao río Lagares.