Thiago Alcántara, centrocampista do Fútbol Club Barcelona e fillo do excéltico Mazinho, foi recibido hoxe polo alcalde da cidade, Abel Caballero, que lle fixo entrega do premio VIDE, o trofeo ao mellor xogador nacional sub 21 da tempada 2010/2011.
A Bandeira Concello de Vigo de traiñeiras, que entra na súa decimonovena edición, volve como cada verán a Ría para ofrecer o mellor remo galego en acción. O concelleiro de Deportes, Manel Fernández, amosou de forma pública a súa "satisfacción" por que a regata cambie a súa localización ao Vao "gañando en espectacularidade" e engadiu a iso o seu convencemento "da gran repercusión que terá na cidadanía".
O alcalde de Vigo, Abel Caballero, indicou este xoves que o Concello transmitiu ao Celta de baloncesto feminino que "procederan á inscripción" na máxima categoría. Caballero explicou que o goberno local conseguirá fondos de maneira "excepcional" para esta tempada e reclamou do club un "esforzo adicional" na procura de recursos e patrocinadores. "Ningún club de élite vigués deixará de participar en ningunha competición", apuntou o alcalde, quen amosou a súa "satisfacción" polo "problema resolto" do baloncesto feminino.
O alcalde de Vigo, Abel Caballero, presentou hoxe a serie de probas do programa Vigoarena, que desenvolverá actividades deportivas en Samil dende este venres ao 31 de xullo co patrocinio da Concellería de Deportes e a organización de Evento Global. Fútbol praia, tenis praia, foot voley, balonmán praia, voley praia e cachibol encherán de competición o principal areal vigués. "Temos unha gran expectativa con esta actuación de verán porque é engadir ás praias un aliciente máis", asegurou o rexedor. Na edición de 2010 houbo 1.500 participantes "e nesta esperamos repetir esa cifra", sinalou Caballero.
A selección viguesa asinou unha magnífica primeira xornada nos IX Xogos do Eixo Atlántico, para deportistas sub 16, grazas á representación en atletismo, que competía en xornada única tanto en pista como en ruta.
O alcalde de Vigo, Abel Caballero, e o concelleiro de Deportes, Manel Fernández, ofreceron hoxe xoves unha recepción ás seleccións da cidade olívica que participarán nos IX Xogos do Eixo Atlántico, que terán lugar na localidade portuguesa de Matosinhos do 3 ao 8 de xullo. Os Xogos acollerán a cerca de 1500 participantes de 25 municipios galegos e portugueses que competirán en modalidades como o balonman, baloncesto, atletismo, fútbol sete, voleibol, voleiplaia e natación.
A Vigo Cup 2011, o torneo de fútbol base internacional presentado hoxe na Fundación VIDE polo alcalde de Vigo, Abel Caballero, contará con marca histórica de equipos inscritos (218) e de participantes (3.300). O campionato xogarase do 4 ao 10 de xullo en dez campos da cidade e rematará no estadio municipal de Balaídos coa disputa de todas as finais de fútbol 7 e de fútbol. Equipos de Galicia, Castela-León, Andalucía e norte de Portugal buscarán a vitoria logo de 554 partidos.
O alcalde de Vigo, Abel Caballero, e o presidente do Academia Octavio Pilotes Posada, Javier Rodríguez, xunto ao concelleiro de Deportes, Manel Fernández, asinaron hoxe xoves o acordo económico que fai posible que o equipo vigués compita na máxima categoría do balonmán español. Segundo explicaron, a Fundación VIDE achegará ao club os 170.000 euros necesarios procedentes de achegas de empresas privadas. Javier Rodríguez salientou que "é a primeira vez que un alcalde de Vigo ponse ao fronte do deporte vigués".
O concelleiro de Deportes, Manel Fernández, xunto co responsable da delegación viguesa da Federación Galega de Atletismo, Eleuterio García, presentaron este martes a edición deste ano da popular proba que celébrase na noite de San Xoan. O número de inscritos ata o momento ascende a 500, máis que en 2010, e contará coa participación de nomes destacados como Carlos Adán ou Julia Vaquero, entre outras.
A organización anuncia o calendario de competición da Vigo Cup 2011, que se disputa do 4 ao 10 de xullo en varios campos da cidade e que terá as súas finais no estadio municipal de Balaídos. Con máis de 200 equipos participantes (219), o torneo internacional de fútbol base baterá todas as marcas de participación e número de partidos.