As arcas municipais destiñan 600.000 euros a financiar os clubs de deporte de base da cidade, a mesma cuantía do ano pasado e que foi repartida entre 171 colectivos. A esta cantidade hai que sumar outros 267.500 euros, aprobardos esta semana, neste caso para entidades de élite, polo que o importe total de axudas ao deporte ascende a 867.500 euros.
A Xunta Local de Goberno do pasado martes aprobou subvencións por 267.000 euros para distintas entidades deportivas. Concretamente, aprobaronse convenios coa Federación de Peñas Recreativas El Olivo; o Club Deportivo Bosco; o Coruxo F.C; o Club Vigo Voleibol e a Sociedade Recreativa Octavio en base.
Abel Caballero garantiu hoxe venres a pervivencia do programa Deporte apra persoas maiores, no que participan 770 usuarios. A Concellería de Deportes, que agora xestiona este proxecto en lugar de Benestar Social, ten unha partida de 80.000 euros.
Abel Caballero ordenou hoxe venres o peche provisional e preventivo dos pavillóns 1 e 2 e as pistas de squash de Balaídos, seguindo recomendacións dun avance do estudio da ITE do estadio municipal. O mesmo documento garante a seguidade das gradas, aínda que critica a ausencia de mantemento desde hai 31 anos.
O acalde de Vigo comprometeuse esta mañá a estudar a posible ampliación do pavillón de Coruxo e da zona de aparcamentos. Logo dun encontro coa Asociación de Entidades deportivas da zona, Caballero engadiu a necesidade de acometer unha remodelación do tráfico nesta área.
Abel Caballero visitou hoxe martes o centro Máis Que Auga de Barreiro, onde eloxiou o funcionamento destas instalacións municipais nas que practican actividade deportiva 14.000 persoas. O goberno municipal estudará cubrir as catro pistas de pádel ao aire libre para mellorar o servizo, segundo revelou o alcalde.
O Club Ciclista Vigués e o Concello de Vigo presentaron hoxe unha aposta firme polo deporte popular coas bicirutas 2013, unha acción conxunta englobada no programa municipal Deporte e Saúde e que busca gañar actividades e espazo na urbe para o deportista popular.
O Concello iniciará este ano a construcción da piscina de Navia, nun proxecto deportivo que incluirán 8 pistas de pádel, e dúas novas pistas deportivas -unha para fútbol 7 e outra para balonmano ou baloncesto-. Así o explicou esta mañá durante unha visita ao barrio para presentar o conxunto da actuación, que inclúe, segundo avanzou hai uns días, case 600 novos aparcamentos aos que hai que sumar outros 266 na urbanización deste novo complexo deportivo.
O alcalde presentou hoxe xoves a nova programación de actividades – "AugaéSaúde" - nas 4 piscinas municipais, que estrean a figura do aboado para maiores de 16 años. Esta nova figura terá un prezo mensual de 11,25 euros na tarifa xeral para empadroados (15 para o resto) e de 7,5 euros para pensionistas empadroados e de 10 euros para o resto de usuarios.
O atletismo popular en Vigo pasou de 4.000 participantes en 2008 a máis de 10.000 este ano, tal e como relatou hoxe martes o rexedor, un día no que se entregan os premios do Circuíto de Carreiras Populares 2012. Caballero destacou que a media maratón de Vigo prevista para o mes de maio xa está homologada e avanzou a posibilidade de que Vigo conte nun futuro cunha maratón.