O alcalde de Vigo instou hoxe á Autoridade Portuaria a que coopere co Club Náutico de Vigo na procura dun proxecto de viabilidade para a entidade deportiva. Así o dixo logo de manter un encontro coa presidenta, Bibiana García e parte da xunta directiva.
Abel Caballero indicou este venres que os monumentos do Sireno, dos redeiros da Gran Vía e os cabalos da Praza de España presentan camisetas e bufandas do Real Club Celta de Vigo para apoiar aos celestes na consecución do obxectivo de manterse na Primeira División e como un "aceno" á afición.
O piloto de Valladares Alberto Meira e o seu copiloto, David Vázquez, visitaron hoxe xoves a Praza do Rei co vehículo co que competirán este ano no Rali Rías Baixas. Coa súa vitoria en 2012, Meira converteuse no primeiro vigués en gañar este evento do motor desde 1991.
O alcalde de Vigo, Abel Caballero, o concelleiro de Deportes, Manel Fernández, e tres adestradoras das escolas municipais presentaron este xoves unha nova edición da Festa da Rítmica, coa actuación na mañá do sábado de máis de 800 participantes e máis de 60 grupos de ximnastas.
O alcalde de Vigo presentou este xoves o encontro da Liga Indoor de cuartos de final que enfrontará, ás 20:45 horas de mañá no Pavillón das Travesas, ao Real Club Celta de Vigo e ao Real Madrid. As entradas costan 5 euros, 3 euros para os socios e peñistas do club e de balde para menores de 12 anos.
O barrio de As Travesas acollerá o sábado a partir das 22,00 horas a primeira carreira nocturna Correndo por Vigo, de 10 kilómetros. Xa son mil os inscritos nunha proba "novidosa" que desde este ano se incorpora ao circuito atlético da cidade.
"Se así o deciden, o Concello está disposto a cooperar con autobuses na ida a Valladolid". Así o asegurou este xoves Abel Caballero ante os medios, despois de ter ofrecido en días atrás ás peñas do RC Celta este desprazamento. "Seguimos dispostos a apoiar as peñas", apuntou o alcalde.
O pavillón municipal de As Travesas acollerá mañá venres a XVI Festa do Patín, con case 2.000 participantes e 104 grupos de patinadores. Caballero felicitou aos organizadores "porque o seu traballo é exepcional, unha mostra de Vigo e de súa afección ao deporte".
O alcalde presentou este xoves o último encontro da fase regular da Liga de Fútbol Indoor, un RC Celta-Real Valladolid decisivo para as aspiracións locais de xogar os cuartos de final, contra o Real Madrid. O Celta precisa alomenos un punto contra o Valladolid, encontro que se xoga o venres, as 20:45 horas, con entradas a dous euros.
A XVI Media Maratón de Vigo, que regresa tras catorce anos de ausencia, disputarase este domingo (10:00 horas) dende Policarpo Sanz e con máis de mil participantes polo centro de Vigo. "É a primeira da época moderna", sinalou o alcalde na presentación da proba, xa que comezou en 1984 e a súa última edición databa de 1999.