martes, 13 dec 2011
O Gran Premio Pedestre de Nadal, a tradicional Carreira do Pavo, disputarase este domingo na contorna da Alameda co apoio da Concellería de Deportes e o patrocinio de El Corte Inglés, que dá nome ao premio. A proba, que espera non baixar dos 600 inscritos para todas as carreiras (haberá oito saídas segundo idades), definirá o circuíto de carreiras populares Cidade de Vigo, que bota o pano logo dunha terceira edición na que segue crecendo.
venres, 9 dec 2011
O pavillón de Bouzas recibe por cuarta oportunidade nos últimos cinco anos o Trofeo Cidade de Vigo de kárate, baixo a organización da Asociación Deportiva Zanshin. Será este sábado a partires das 17:00 horas cando uns 60 karatecas pelexarán dende categoría cadete a senior, pasando por xuvenil, junior e sub 21. Este ano, o torneo reúne ao club local, que presenta dous equipos, ao Bunkai Sport Ferrol e ao Club Shotokan Santander.<br />
mércores, 23 nov 2011
Miriam Pérez, de 13 anos, e Laura Domínguez, de 16, patinadoras do Club Patinaje Valladares, foron recibidas hoxe polo alcalde da cidade, Abel Caballero, e o concelleiro de Deportes, Manel Fernández, que as felicitaron pola súa magnífica traxectoria nesta tempada que agora remata.
luns, 21 nov 2011
O concelleiro de Deportes, Manel Fernández, animou hoxe á participación das e dos atletas federados no 33 Memorial Belarmino Alonso de cros, que se disputará en San Andrés de Comesaña este domingo día 27 a partires das 10:30 horas e que reunirá a uns 600 inscritos dende categoría alevín a senior.
martes, 25 out 2011
O alcalde de Vigo, Abel Caballero, recibiu hoxe á representación céltica que participou este verán no Campionato do mundo sub 19 de baloncesto feminino, en Bangkok (Tailandia), e que obtivo a medalla de prata con España. Carlos Colinas (seleccionador), Marina Delgado (xogadora) e Mario Muñoz (preparador físico) acudiron a Alcaldía acompañados polo vicepresidente do Celta Bosco, Carlos Álvarez, destacando a súa "satisfacción polo recoñecemento municipal ao noso éxito", explicou Colinas.
martes, 18 out 2011
Abel Caballero visitou este martes o parque de Castrelos, onde anunciou unha actuación "inmediata" e de emerxencia para mellorar a pista de atletismo do parque, que consistirá en retirar as pedras e depositar un xabre máis fino. A longo prazo, o alcalde adiantou que a Concellería de Deportes elaborará un proxecto para adecuar o trazado ás necesidades dos deportistas. Caballero tamén informou da decisión municipal de abrir os vestiarios de modo "bastante frecuente".
martes, 11 out 2011
O concelleiro de Deportes, Manel Fernández, visitou hoxe as aulas de Educación Especial do colexio público Seis do Nadal, invitado polo centro. Durante tres cuartos de hora interesouse polas afeccións deportivas dos nenos e nenas presentes, que contan con tres titores e dous profesores de logopedia.
xoves, 6 out 2011
O Multiusos de Navia acollerá este sábado por vez primeira o Cidade de Vigo de judo, que cumpre dez edicións como gran premio internacional aínda que lévase disputando dezaseis edicións con esta. Este evento, organizado pola Federación Galega de Judo, abandona o seu tradicional domicilio de Coia (aínda que tamén se viviu nas Travesas e Bouzas) para acudir "á instalación máis moderna que temos hoxe en día", sinalou o concelleiro de Deportes, Manel Fernández.
mércores, 5 out 2011
A quinta edición da carreira popular Vigo+11, Trofeo El Corte Inglés, aspira a levar a vinte das principias rúas da cidade a uns 1.500 deportistas o vindeiro día 16, nun mes en que Galicia enteira programou numerosas probas atléticas populares, segundo explicouse na presentación da proba atlética urbana que percorre boa parte de Vigo. A carreira viguesa, gañada os dous últimos anos por Lolo Penas en categoría masculina e pola portuguesa Doroteia Peixoto en feminina (2010), con 2.800 euros en premios, xa abriu o prazo de inscrición e pode presumir dun gran apoio de patrocinios privados, ademais do respaldo do propio Concello de Vigo.
xoves, 29 set 2011
A Semana do Atlántico regresará á ría viguesa o 7 de outubro e ata o 1 de novembro 1.500 regatistas e 1.000 barcos competirán na Copa de Europa láser, no Open Meeting internacional (clases 420 e 470), no Meeting Internacional Pescanova de optimist, na Copa de España de platú e en diferentes regatas de cruceiros ORC de Solitarios e A Dos, snipe, cadete e vaurien.