O Concello aprobou este venres a proposta de concesión do Estadio Municipal de Balaídos ao Celta, por un período de 50 años (prorrogables a 75). Segundo o prego de condicións, o club pagará un canon anual de 802.837 euros, que podería ser axustado en caso de perda de ingresos por obras, entre outras circunstancias.
O alcalde recibiu no Concello ás empresas patrocinadoras da Gala do Deporte, nun acto no que agradeceu a súa implicación e compromiso co impulso do deporte na cidade. Caballero puxo en valor a colaboración público-privada como un elemento clave para o desenvolvemento deportivo de Vigo, destacando o apoio constante destas entidades ás iniciativas municipais. O rexedor recoñeceu o seu papel como “parte esencial” do ecosistema deportivo vigués e da promoción de valores asociados ao deporte.
O alcalde felicitou esta mañá á organización das dúas probas, que terán lugar este domingo 12 de abril entre Vigo, Nigrán e Baiona, polo esforzo loxístico despregado durante 25 anos para consolidar a súa proxección nacional e internacional e conseguir unha participación multitudinaria.
O alcalde asinou esta mañá, xunto coa organización do festival, un convenio por valor de 1.342.000 euros e destacou que "teremos o mellor Marisquiño que se tivo nunca, financiado na súa totalidade polo Concello”. O festival de cultura e deportes urbanos celebrarase do 6 ao 9 de agosto en Samil.
O baloncesto protagonizará a Semana Santa deportiva na cidade. O pavillón de Navia reunirá a máis de 220 xogadores procedentes de 43 equipos de toda Galicia para disputar un centenar de partidos.
O alcalde explicou que se aprobou a licitación para mudar o céspede do campo onde disputan os encontros como locatarios o Racing Castrelos e o Rápido de Pereiró, cun importe de 336.000 euros. En Samil, ademais do céspede, actuarase tamén no peche do recinto.
Abel Caballero urxe á Federación que comunique oficialmente ao Concello a candidatura de Vigo tras coñecer a súa predisposición de presentar a candidatura de Vigo á FIFA a través dos medios de comunicación. “Chega con dous anos de atraso”, recriminou.
O martes 14 de abril terá lugar no Centro Cultural Afundación a 27 edición da Gran Gala do Deporte de Vigo. Esta gala é a referencia do deporte da cidade e dos municipios da súa área , na que hai 73 deportistas candidatos ao premio ao mellor deportista feminino e masculino nas categorías absoluto e promesa (sub-19).
O alcalde avanzou que en caso de precisalo, o Concello apoiará ao club de basket feminino para que a fase de ascenso se celebre en Vigo. A Xunta de Goberno tamén concedeu unha achega de 6.000 euros á Fundación Carlos Casares.
A partir do verán comezarán os traballos de substitución dos vestiarios e edificacións auxiliares do campo de fútbol de Carballal. O importe dos traballos é de 1.284.000 euros e o prazo de execución, de 4 meses.