O alcalde de Vigo, Abel Caballero, acompañado de representantes de Atresmedia, da Fundación AXA e do bicampión do mundo de maratón Abel Antón, presentou a cita, que se celebrará este domingo, 5 de xullo, ás 10.00 horas
O rexedor mantivo un encontro coa organización do torneo que se disputará desde este venres, 3 de xullo e ata o domingo 5 de xullo, na Praia de Samil. A competición contará con probas de dobres masculinos e femininos nas categorías absoluta, sub-18, sub-16 e veteranos +40. Caballero trasladoulles a felicitación da cidade e desexoulles o mellor para que as xornadas deportivas se desenvolvan co éxito de edicións anteriores.
As actividades familiares medran ata os catro días no Marisquiño Kids con obradoiros, xogos, exhibicións, un concerto e espazos participativos. O Concello financia O Marisquiño 2026 cunha achega de 1,3 millóns de euros.
Os corporativos denunciaron no Pleno deste luns o trato desigual que aplica a administración galega aos equipos de Vigo e A Coruña que necesitan apoio económico para participar nas fases de ascenso da máxima categoría. Mentres o Leyma recibiu 150.000 euros, o Celta de Vigo de baloncesto feminino non contou co apoio económico da consellería de Deportes, fronte aos 45.000 euros achegados polo Concello de Vigo.
O rexedor participou este mércores na clausura do Campus Multideporte do Coruxo FC, unha iniciativa que contou coa colaboración do Concello e que reuniu centos de nenas e nenos arredor da práctica de máis de 30 modalidades deportivas. O rexedor felicitou ao club polo éxito da actividade e pola súa excelente tempada deportiva, destacando o seu compromiso coa promoción do deporte base e coa conciliación das familias viguesas.
Caballero alcalde asistiu á clausura dunha nova edición do Campus Polideportivo de VIDE, unha iniciativa municipal consolidada que promove a práctica deportiva entre a mocidade de Vigo ao inicio do verán. O rexedor puxo en valor o éxito dun programa que, desde o ano 2000, ofrece unha alternativa de lecer saudable, combinando deporte, aprendizaxe e diversión coa colaboración dos principais clubs vigueses. Abel Caballero destacou a aposta do goberno local polo deporte base ao longo de todo o ano, favorecendo ademais a conciliación das familias durante o período estival.
A Unión Balonmán Lavadores presentou este martes ao novo patrocinador do equipo, Tesol Group, nun acto que serviu tamén para coñecer ás xogadores e xogadores das diferentes categorías, desde benxamín ata senior e para visitar as instalacións da empresa, especializada en robótica e automatismos. Abel Caballero trasladoulles agradeceulles o apoio e desexou ao equipo todo o éxito ante a nova temporada que van comezar. Lembrou tamén que o Concello cambiará o pavimento do pavillón de Lavadores ao longo do verán.
A proba, clasificatoria para o campionato europeo que se celebrará o 30 de agosto na localidade francesa de Brest, contará coa participación de deportistas de 12 comunidades autónomas e das cidades autónomas de Ceuta e Melilla. O alcalde presentou hoxe o torneo que se celebra os próximos sábado 27 e o domingo 28 no campo de regatas de Rande.
A sede do Celta na rúa do Príncipe acolleu este martes a presentación da LIX edición do Rally Recalvi Rías Baixas que se celebrará os días 2, 3 e 4 de xullo cun percorrido de 127 quilómetros pola área de Vigo e con tramos polo centro da cidade. O alcalde valorou que a cita do motor, na "excelencia do deporte" sitúe a Vigo un ano máis no mapa da velocidade e destacou a importancia destes eventos para a cidade, onde o automóvil conforma un piar fudamental da industria. Ademais agradeceu o traballo de Chema Rodríguez, director do Grupo Recalvi, na promoción e apoio a este deporte. No acto participaron, entre outras autoridades, Antonio Troitiño e Manuel Aviño, presidentes, respectivamente, da Federación galega e española de automovilismo.
O alcalde presentou esta mañá a oitava das doce probas anuais que conforman o circuíto de carreiras populares Run Run Vigo. Comezará ás 21.00 horas de mañá martes, desde a rotonda da Praza do Bicentenario, para finalizar na praza do Berbés cunha sardiñada. Este ano baterase a marca de participación.