xoves, 30 xuñ 2011
O alcalde de Vigo, Abel Caballero, e o concelleiro de Deportes, Manel Fernández, ofreceron hoxe xoves unha recepción ás seleccións da cidade olívica que participarán nos IX Xogos do Eixo Atlántico, que terán lugar na localidade portuguesa de Matosinhos do 3 ao 8 de xullo. Os Xogos acollerán a cerca de 1500 participantes de 25 municipios galegos e portugueses que competirán en modalidades como o balonman, baloncesto, atletismo, fútbol sete, voleibol, voleiplaia e natación.
xoves, 30 xuñ 2011
A Vigo Cup 2011, o torneo de fútbol base internacional presentado hoxe na Fundación VIDE polo alcalde de Vigo, Abel Caballero, contará con marca histórica de equipos inscritos (218) e de participantes (3.300). O campionato xogarase do 4 ao 10 de xullo en dez campos da cidade e rematará no estadio municipal de Balaídos coa disputa de todas as finais de fútbol 7 e de fútbol. Equipos de Galicia, Castela-León, Andalucía e norte de Portugal buscarán a vitoria logo de 554 partidos.
xoves, 23 xuñ 2011
O alcalde de Vigo, Abel Caballero, e o presidente do Academia Octavio Pilotes Posada, Javier Rodríguez, xunto ao concelleiro de Deportes, Manel Fernández, asinaron hoxe xoves o acordo económico que fai posible que o equipo vigués compita na máxima categoría do balonmán español. Segundo explicaron, a Fundación VIDE achegará ao club os 170.000 euros necesarios procedentes de achegas de empresas privadas. Javier Rodríguez salientou que "é a primeira vez que un alcalde de Vigo ponse ao fronte do deporte vigués".
martes, 21 xuñ 2011
O concelleiro de Deportes, Manel Fernández, xunto co responsable da delegación viguesa da Federación Galega de Atletismo, Eleuterio García, presentaron este martes a edición deste ano da popular proba que celébrase na noite de San Xoan. O número de inscritos ata o momento ascende a 500, máis que en 2010, e contará coa participación de nomes destacados como Carlos Adán ou Julia Vaquero, entre outras.
venres, 17 xuñ 2011
A organización anuncia o calendario de competición da Vigo Cup 2011, que se disputa do 4 ao 10 de xullo en varios campos da cidade e que terá as súas finais no estadio municipal de Balaídos. Con máis de 200 equipos participantes (219), o torneo internacional de fútbol base baterá todas as marcas de participación e número de partidos.
mércores, 8 xuñ 2011
O concelleiro de Deportes en funcións, Xabier Alonso, presentou este mércores o V Trofeo Concello de Vigo de Bádminton e o II Memorial Luis Miró, que se celebrarán este sábado, 11 de xuño, na Pista Vermella do polideportivo das Travesas, de 10 a 12 horas e de 15.30 a 19 horas. O nacionalista destacou o forte incremento de participantes nesta edición do torneo, ao pasar de 100 deportistas no 2010 a 150 este ano nas diferentes categorías.
venres, 3 xuñ 2011
O domingo 5 de xuño celébrase a segunda xornada do programa Bici Rutas Vigo 2011, con saída ás dez e media da mañá dende o Náutico. Esta vez o percorrido presenta un itinerario moito máis urbano que o da primeira xornada, con visita ao Parque de Castrelos, para continuar posteriormente ata Samil e rematar de novo no Naútico, despois de percorrer o Casco Lanuxe da cidade.
mércores, 1 xuñ 2011
A Vigo Cup 2011, do 4 ao 10 de xullo, baterá todas as marcas de participación. Na súa undécima edición e décimo aniversario, o torneo internacional de fútbol base supera por primeira vez os 200 equipos inscritos de forma moi folgada, un rexistro que estivo a punto de alcanzar en 2004 e 2009 (194).
mércores, 1 xuñ 2011
Xabier Alonso, concelleiro de Deportes en funcións, recibiu hoxe no Concello ao Balonmán Seis do Nadal-Coia, que a pasada fin de semana disputou a fase final do Campionato de España xuvenil masculino de balonmán.
venres, 27 mai 2011
O Club Ciclista Vigués - Autronic celebrará as Bici Rutas Vigo 2011 en tres xornadas, os días 29 de maio e 5 e 12 de xuño. Trátase de tres paseos en bicicleta para gozar do exercicio ao aire libre, da propia cidade e as súas magníficas inmediacións.
