xoves, 17 feb 2011
O concelleiro de Deportes, Xabier Alonso, participou este xoves na presentación da XIII Rallye Rías Baixas de Clásicos, que sairá o vindeiro sábado, 19 de febreiro, ás 10 horas dende a Praza do Rei. O nacionalista fixo un chamamento aos afeccionados e afeccionadas ao mundo do motor a achegarse a esta praza antes da saída para contemplar os 70 vehículos participantes, que o nacionalista cualificou de "obras de arte", posto que todos teñen unha data de fabricación anterior a 1975.
xoves, 10 feb 2011
O tenente de alcalde, Santi Domínguez, e o concelleiro de Deportes, Xabier Alonso, entregaron hoxe as axudas da Fundación Vigo en Deporte (VIDE) aos clubs de elite polo programa Siareiros. Esta tempada, VIDE entregará 169.000 euros para os clubs de elite (doce entidades) e os base (23 entidades) do programa, que se suman as aportacións que fai a Concellería de Deportes. Santi Domínguez apuntou que neste mandato a través da Fundación aumentáronse as aportacións que reciben os clubs cun montante total nestes anos de 878.000 euros.
mércores, 9 feb 2011
O sorteo dos cuartos de final da XXXVI Copa do Rei de Balonmán que se celebrou hoxe emparellou ao Octavio Pilotes Posada co Cautro Rayas Valladolid. O enfrontamento será o xoves, 7 de abril ás 21 horas no pavillón das Travesas. Os demáis emparellamentos son F.C. Barcelona Borges-Reale Ademar León, o CAI BM Aragón-Fraikin BM Granollers, e Amaya Sport San Antonio-Renovalia Ciudad Real. No acto, o tenente de alcalde, Santi Domínguez, agradeceu "a confianza por ter elixido Vigo" para celebrar este campionato, que se desenvolverá do 6 ao 10 de abril.
martes, 8 feb 2011
O tenente de alcalde, Santi Domínguez, visitou este martes o novo complexo de auga de Barreiro, aberto dende o pasado 1 de febreiro. Tras percorrer as instalacións, o nacionalista destacou que na súa primeira semana de funcionamento, este centro "Máisqueauga" de Barreiro conta xa con 4.200 abonados, que se suman aos 5.000 do complexo de Coia-Florida.
venres, 28 xan 2011
Ao redor dun cento de participantes asistiron na mañá de hoxe no Centro Social Novacaixagalicia á inauguración da xornada técnica Deporte e Municipio da FEMP sobre o novo Plan de Actividade Física e Deporte que por vez primeira presentouse a debate no sector. No acto o alcalde de Vigo, Abel Caballero, sinalou que esta "é unha cidade moi envorcada co deporte, que é un dos piares centrais de Vigo" e o tenente de alcalde, Santi Domínguez, animou a relatores e asistentes "a reflexionar e profundar sobre o deporte" e fixo votos para que "Vigo continúe sendo un referente como cidade de deporte".
venres, 28 xan 2011
O tenente de alcalde, Santi Domínguez, participou este venres na presentación da décima edición da Copa do Mundo de Hípica, que terá lugar os días 11, 12 e 13 de febreiro no Ifevi. Na súa intervención, o nacionalista salientou a importancia deste evento na promoción da cidade, así como o seu retorno económico, polo que asegurou que "debemos empeñarnos en que non desapareza este evento da cidade".
mércores, 26 xan 2011
O concelleiro de Deportes, Xabier Alonso, presentou este mércores a xornada técnica "Plan Integral para a actividade física e o deporte: Deporte e municipio", que se celebrará o vindeiro venres, 28 de xaneiro, de 9 a 19 horas no centro social de Novacaixagalicia. O nacionalista destacou que o Consejo Superior de Deportes e a Federación Española de Municipios e Provincias, organizadores da xornada, farán que Vigo volva a ser "centro de reflexión e análise no eido deportivo", como xa foi o ano pasado co Forum FISU.
mércores, 26 xan 2011
O concelleiro de Deportes, Xabier Alonso, expresou os seus parabéns aos deportistas dos clubs vigueses Tao e Yidam, medallistas no Campionato de España de clubs de Taekwondo. En exhibición, categoría sénior, o Tao foi ouro, e un equipo formado por deportistas do Tao e do Yidam lograron o bronce. En exhibición, na categoría infantil, o club Tao tamén acadou a medalla de bronce.
luns, 24 xan 2011
O concelleiro de Deportes e presidente da Fundación Vigo en Deporte, Xabier Alonso, presentou hoxe a novena convocatoria das bolsas VIDE para deportistas individuais, que estará aberta do 1 ao 28 de febreiro. O nacionalista destacou que "cada ano son máis os e as deportistas que solicitan esta axuda, para atender ás súas necesidades de adestramentos. Na Concellería de Deportes subimos cada ano as axudas aos clubs, pero non hai unha partida específica para deportistas de modalidades individuais, o que VIDE cobre co seu apoio".
venres, 14 xan 2011
O tenente de alcalde, Santi Domínguez, participou este venres na inauguración da sexta edición de Galiexpo Motor Show, que se celebrará ata o vindeiro domingo, 16 de xaneiro, no IFEVI. Na súa intervención, o nacionalista destacou a importancia de que o recinto feiral de Vigo acolla un evento de repercusión internacional.
