venres, 14 xan 2011
O tenente de alcalde, Santi Domínguez, participou este venres na inauguración da sexta edición de Galiexpo Motor Show, que se celebrará ata o vindeiro domingo, 16 de xaneiro, no IFEVI. Na súa intervención, o nacionalista destacou a importancia de que o recinto feiral de Vigo acolla un evento de repercusión internacional.
luns, 10 xan 2011
O concelleiro de Deportes, Xabier Alonso, presentou este luns a Liga de Fútbol Indoor, que comezará o vindeiro venres 14 de xaneiro no pavillón das Travesas, ás 20.30 horas, co derbi entre o Celta e o Deportivo. O nacionalista salientou o "alto nivel deportido que haberá no partido", que contará con dúas plantillas de futbolistas veteranos dos dous equipos galegos.
martes, 28 dec 2010
O concelleiro de Deportes, Xabier Alonso, animou aos vigueses e viguesas a participar na sexta edición da "carreira popular e non competitiva" San Silvestre, que se celebrará o vindeiro 31 de decembro no parque de Castrelos a partir das 17 horas. O nacionalista destacou que a proba "combina deporte e solidariedade", xa que as persoas que queiran participar deberán doar alimentos non perecedoiros a modo de inscrición que serán entregados ao Banco de Alimentos.
venres, 17 dec 2010
O concelleiro de Deportes, Xabier Alonso, presentou hoxe o "Torneo solidario multideportivo Nadal en Vigo" , que se disputará do 20 ao 26 deste mes de decembro nos dous pavillóns de Balaídos e nas Travesas (Frontón, Pista Central e Vermella). Nesta edición volveranse a formar equipos das categorías baby (nenos e nenas de 2005 e 2006), prebenxamín (nenos e nenas 2003 e 2004) e benxamín (nenos e nenas de 2001 e 2002), ademais de alevín feminino (nenos e nenas de 1999 e 2000). Balonmán, baloncesto, fútbol sala, bádminton ou squash son algúns dos deportes cos que rapaces e rapazas gozarán.
mércores, 15 dec 2010
O concelleiro de Deportes, Xabier Alonso, presentou hoxe a XLIX edición da Carreira do Pavo, que se celebrará o vindeiro domingo, 19 de decembre, dende as 10.30 horas na Praza de Compostela. O nacionalista destacou que esta carreira, xa plenamente consolidada, ten o aliciente de ser a última das probas programadas no Circuíto de Carreiras Populares que organiza o Concello de Vigo.
xoves, 9 dec 2010
O concelleiro de Deportes, Xabier Alonso, fixo hoxe un chamamento aos vigueses e viguesas para que participen na quinta edición da Subida ao Castro, que se correrá o vindeiro domingo, 12 de decembro ás 12 horas, con saída dende o Náutico e chegada ao Castelo de San Sebastián. O nacionalista destacou que nesta convocatoria hai xa 250 corredores inscritos, cifra que calificou de "un récord para esta proba". O prazo de inscrición está aberto ata mañá no centro comercial Gran Vía de forma gratuita.
xoves, 25 nov 2010
O concelleiro de Deportes, Xabier Alonso, anunciou hoxe os prezos de abonos e entradas para a Copa Asobal 2010 de balonmán, que se disputará no pavillón central das Travesas os días 18 e 19 de decembro. Os abonos poderán adquirirse dende as 9:00 horas de mañá venres.
martes, 23 nov 2010
O concelleiro de Deportes, Xabier Alonso, anunciou hoxe que a 32 edición do Memorial Belarmino Alonso de campo a través, que se correrá o vindeiro domingo 28 de decembro, estreará un novo percorrido "que será máis espectacular". Destacou que na proba participarán deportistas de todas as categorías dende benxamín ata xuvenil e júnior, tanto na modalidade masculina como feminina.
martes, 23 nov 2010
O concelleiro de Deportes, Xabier Alonso, anunciou este martes a incorporación de diversas instalacións deportivas de Vigo á rede de gas natural no obxectivo de reducir a contaminación ambiental. Deste xeito, o pavillón central de As Travesas, os pavillóns do Carme e Frontón-Vermella, así como o complexo deportivo de Balaídos súmanse ás piscinas de Teis, Travesas, Lavadores e Valadares, o ximnasio do Carme e o pavillón do Berbés, que xa contan con este sistema que potencia o aforro enerxético.
venres, 19 nov 2010
O concelleiro de Deportes, Xabier Alonso, presentou este venres o XII Trofeo Cidade de Vigo de Kárate que se celebra mañá sábado 20 de novembro, no polideportivo de Bouzas, a partir das 17.30 horas. Na presentación, na que tamén participou o responsable do clube A.D. Zanshin, Fernando Álvarez, o concelleiro nacionalista destacou que a selección galega será un dos equipos participantes nesta cita deportiva.