Segundo informou en rolda de prensa, a Federación Olívica de Asociacións de Nais e Pais de Alumnos e Alumnas de Vigo “segue esperando noticias” do goberno autonómico sobre os protocolos de actuación e medidas de apoio nos comedores escolares da cidade.
Abel Caballero, quen reiterou que “non hai límite orzamentario para a atención social”, explicou que os usuarios atendidos polos servizos sociais do Concello multiplicáronse por tres a causa da pandemia, ao igual que as axudas de emerxencia concedidas, que xa superan os 1,25 millóns.
No acto de apertura da exposición de Manuel Vilariño no MARCO de Vigo, Abel Caballero quixo sumarse este xoves á demanda do sector en España e defendeu que “a pandemia debe ser argumento para potenciar aínda máis a cultura” e tendeu a man para atopar “un espazo de desafogo, para que a pandemia non sexa unha lousa que sepulte a capacidade creativa” dos artistas.
O rexedor fixo balance este martes do desenvolvemento do programa que este ano se estendeu a toda a cidade, ata 30 lugares diferentes, cun total de 272 actuacións de 143 formacións diferentes.
O alcalde de Vigo e presidente da FEMP participará na cita xunto ao ministro de Sanidade e á súa homóloga de Política Territorial, un encontro de traballo relativo ás actuacións a levar adiante polas entidades locais na evolución da pandemia.
Abel caballero cualificou como “decepcionante” a resposta do presidente da Xunta á carta na que o alcalde lle trasladaba 45 peticións para esta cidade. O rexedor afeou a Núñez Feijóo, entre outras cuestións, que na misiva inclúa a PLISAN ou a autovía do Morrazo como investimentos en Vigo.
As axudas de emerxencia aprobadas desde o pasado mes de marzo suman xa son case 10.000 por un valor superior aos 1,2 millóns de euros. O alcalde destacou que o Concello aumentou un 400% o gasto social durante a pandemia fronte ao descenso das partidas autonómicas.
O goberno local aumentará en 617.000 euros o gasto en desinfección de colexios ante a negativa da Xunta de asumir esta responsabilidade. Todos os centros contarán con tres limpezas especiais diarias para o que suporá so neste ano 243.000 euros. En todo caso, o alcalde avanzou a decisión das principais cidades galegas de reclamar ao Goberno autonómico ese gasto.
A circulación rexistrou unha “absoluta normalidade” no primeiro día lectivo, no que o Concello enviou axentes da Policía Local a vinte centros educativos. O goberno de Vigo apoiará aos colexios delimitando os espazos para os recreos e cedendo instalacións municipais para a súa actividade. Abel Caballero ofreceu colaboración á comunidade educativa: “Estamos á súa disposición”.
Dúas mocións presentadas polo grupo do goberno de Vigo reclaman á Xunta de Galicia que se faga cargo do custo extraordinario de desinfección nos colexios -que presta o Concello e estima en 616.000 euros- e que abra unha mesa de diálogo coa Federación de ANPAS para dotalos de recursos para poder prestar o comedor escolar, aulas matinais e actividades extraescolares.