“O verán en Vigo, aínda por debaixo do ano pasado como é natural, está a ter unha afluencia de turismo non desdeñable”, apuntou este mércores Abel Caballero. Xullo, cunha media do 47%, xa experimentou un crecemento paulatino da ocupación hoteleira co paso das semanas.
O alcalde informa do adiamento da convocatoria deste ano ata ter “garantías sanitarias totais” que “nestes momentos non se dan” no Reino Unido, apuntou, para que o alumnado beneficiario do programa de inmersión lingüística goce da súa bolsa para aprender inglés
O acordo prevé un ingreso de 5.000 millóns para os concellos que, con carácter voluntario, puxesen ao dispor do Estado os seus remanentes, que se devolverán na súa totalidade nun prazo de dez anos. Para Abel Caballero trátase dun acordo importante e moi positivo para as Entidades Locais, que abre posibilidades “á carta”: actuar polo sistema de remanentes, polo uso do superávit ou por ambos
Con formato reducido e adaptado á pandemia, as festas de Vigo proseguen esta fin de semana con propostas culturais para todos os públicos: danza, música, teatro ou contacontos... E por toda a cidade, no casco urbano e tamén en Sárdoma, Navia, Valladares, Castrelos ou Bembrive, entre outros.
O Pleno acordouno este mércores por unanimidade, unha modificación do orzamento que se engade a outra xa aprobada anteriormente por 870.000 euros para apoiar á cidadanía afectada pola pandemia. En sesión ordinaria, a Corporación tamén tomou coñecemento do prazo de pago aos provedores do Concello, que en xuño situouse en nove días.
As festas da cidade continúan este luns adaptadas á “nova normalidade”, con catro eventos ás 20:30 horas en diferentes puntos da cidade: o “Festival Folclórico Internacional” en Bembrive, “Vigo, un mar de bandas” na Porta do Sol, ViKul en Bouzas e a obra teatral “O pequeno coello branco” en Castrelos. Todas con entrada gratuíta.
Segundo expuxo, a Policía Local informou do cumprimento das normas por parte dos bañistas nas praias malia que tiveron que impoñer 60 denuncias durante a fin de semana polo uso da máscara de protección.
O alcalde recordou que este formato de múltiples actividades en distintos espazos da cidade responde ao novo modelo de festas ante o Covid-19. A Praza dos Galegos Ilustres, a Pedra, Porta do Sol, o Mar de Vigo, a Miñoca, Samil e Lavadores, sedes dos espectáculos deste venres.
Abel Caballero visitou unha libraría da cidade para amosar o seu apoio ao sector, que hoxe xoves, 23 de xullo, celebra un particular día do libro marcado polo Covid-19. Concello e Federación organizan unha xornada na que os exemplares toman as rúas. O alcalde adiantou a cesión de espazos públicos para a organización de actividades.
O Concello conmemora na tarde deste xoves o Día de Galicia nos xardíns do Pazo de Castrelos, acto que poderá seguirse na web do Concello dadas as limitacións de aforo polo Covid-19. Xunto ao discurso do alcalde, o pregón correrá a cargo do xurista Cándido Conde Pumpido e a orquestra Vigo 430 interpretará, entre outras, unha peza do compositor Ennio Morricone, recentemente falecido.