Caballero valora as “excepcionais” festas de Vigo
O rexedor fixo balance este martes do desenvolvemento do programa que este ano se estendeu a toda a cidade, ata 30 lugares diferentes, cun total de 272 actuacións de 143 formacións diferentes.
“Unhas festas excepcionais”, cualificou o alcalde, cun programa conformado con propostas de música, bandas de música, danza tradicional e moderna, teatro, actuacións infantís ou regueifas ata un total de 272 actuacións de 143 formacións diferentes ao longo dos meses de xullo e setembro.
Abel Caballero destacou a particularidade destas festas marcadas polos protocolos de seguridade Covid-19 e que chegaron a 30 lugares diferentes da cidade: Beade, Bembrive, Bouzas, Cabral, Calvario, Candeán, Casco vello, Coia, Coruxo, Lavadores, Matamá, Náutico, Navia, O Castro, Castrelos, Porta do Sol, Praza da Independencia, Praza da Miñoca, Porta do Sol, Praza do Berbés, Rosalía de Castro, Saiáns, Samil, San Andrés de Comesaña, San Miguel de Oia, San Roque, Sárdoma, Teis, Valadares e Zamáns.