O alcalde informou hoxe de que Manuel Reigosa, "un grande reitor, cheo de ideas", lerá o pregón do Día de Galicia en Vigo, e apuntou que "estamos encantados de que teña aceptado ser o lector do Bando" no acto que o Concello organiza o próximo martes, 30 de xullo, ás 21 horas no Pazo Quiñones de León en Castrelos. O evento será aberto a toda a cidadanía que queira sumarse á celebración do 25 de xullo en Vigo.
Abel Caballero fixo propia a demanda da ampliación en 5.000 metros cadrados do recinto feiral de Cotogrande, feita pública onte polos responsables da feira. A petición de Conxemar ten "apoio incondicional" do Concello e do alcalde, quen rexeita "as dúbidas da Xunta"
Abel Caballero mantivo un encontro este luns con Luis Espada, o Valedor do cidadán, con quen tivo a oportunidade de analizar a situación de Vigo, abordando algúns dos asuntos de actualidade na cidade así como de avanzar proxectos no referente á defensa dos intereses e dereitos da veciñanza, o ámbito competencial do Valedor.
O rexedor puxo en valor a efectividade do sistema posto en marcha polo seu Goberno que conseguiu reducir o número de nenas e nenos extraviados dende o ano 2015.
O alcalde de Vigo invitou este venres a todos os vigueses a participar nos actos do Día de Galicia que se celebrarán o vindeiro 30 de xullo no Pazo de Castrelos. Abel Caballero indicou que en próximas datas informará da hora de celebración e da persoa que dará o pregón.
Durante a xornada "Estratexia para a promoción da economía social no eido da Pesca Industrial", organizada por Fundamar, Abel Caballero defendeu que "temos que conseguir a integración total" das persoas en risco de exclusión "non só na sociedade senón no aparato produtivo", un obxectivo para o que a "política social é imprescindible pero insuficiente", sentenciou. Na apertura do encontro estivo presente tamén a presidenta de Deputación, Carmela Silva que defendeu a presenza das mulleres no sector pesqueiro.
Tras a elección onte mércores de Carmela Silva como presidenta do ente provincial, alcalde e presidenta celebraron hoxe unha reunión tras unha visita institucional. En declaracións aos medios, Abel Caballero eloxiou a política de Silva de atención a todos os municipios, tamén aos históricamente desatendidos como Vigo.
O Monarca referiuse aos Gobernos Locais como "escolas de democracia" e apostou por "pensar globalmente e actuar localmente" durante o acto conmemorativo dos 40 Anos de Concellos Democráticos, celebrado hoxe na FEMP. Abel Caballero reivindica o papel dos Concellos que "fan da política local a política total" e fixo entrega á súa Maxestade da Chave de Ouro do Municipalismo e dun bastón de mando honorífico.
Abel Caballero entregará mañá ao Rei de España a Chave de Ouro do Municipalismo durante o acto conmemorativo do 40 aniversario das primeiras eleccións municipais en democracia. Esta será a primeira ocasión que Felipe VI visite as instalacións da Federación de Municipios e Provincias.
A reunión mensual da xunta directiva do Círculo de Empresarios de Vigo, presidida por Patricia García, celebrouse hoxe no Concello coa asistencia do rexedor, que estivo acompañado pola tenente de Alcalde, Elena Espinosa, e o concelleiro Abel Losada. Entre outros temas, abordaron a defensa do AVE directo entre Vigo e Madrid así como diferentes vías de colaboración entre o empresariado e o goberno municipal.