xoves, 18 xul 2013
O alcalde advirte da necesidade de buscar viabilidade ao naval para o que insta ao Goberno a garantir a permanencia dos inversores aos que lles ten que trasladar confianza, ao tempo que debe comprometer avais e financiación ata que o naval estabilice a súa situación. Así o explicou nunha rolda de prensa posterior ao encontro que mantivo con sindicatos do sector e os secretarios comarcais de CIG; CCOO e UXT.
martes, 16 xul 2013
Abel Caballero comunicou o compromiso de Vueling de reforzar liñas e horarios durante a celebración da feira de Conxemar, tal e como lle solicitara o Concello. Ao mesmo tempo, avanzou que xa está deseñado "un bo esquema de revitalización do aeroporto de Vigo".
luns, 15 xul 2013
O alcalde anunciou este luns a decisión, coa que o goberno de Vigo quere "que o Día de Galicia sexa de apoio e recoñecemento desde todo Vigo aos traballadores e traballadoras" polo seu "esforzo e sufrimento" nesta crise. Os responsables comarcais de UGT, CCOO e CIG serán os pregoeiros na xornada do 23 de xullo.
xoves, 11 xul 2013
O alcalde de Vigo trasladou hoxe xoves algunha das conclusións dos contactos con compañías aéreas que está a manter nas últimas semanas. Segundo confirmou, Iberia express aumentará os asentos de 140.000 a 150, o que supón un incremento dun 6% nas prazas.
venres, 5 xul 2013
Abel Caballero, xunto á tenente de alcalde e os responsables das tres principais centrais sindicais, comezou este venres a rolda de contactos con entidades para "sensibilizar" á cidadanía na defensa do sector ante a inminente resolución europea sobre o tax lease. As asociacións veciñais amosaron o seu "apoio absoluto".
xoves, 4 xul 2013
O alcalde anunciou este xoves a convocatoria do Consello Social para o próximo luns, 8 de xullo, ás 18 horas, para respaldar ao sector naval vigués. Paralelamente, Abel Caballero inicia mañá unha rolda de contactos con colectivos para "sensibilizar á cidade da importancia do apoio ao naval".
mércores, 3 xul 2013
O alcalde Vigo e vicepresidente da FEMP enfatizou hoxe mércores que o Consello de Estado ven de refrendar as críticas á reforma de lei de bases de réxime local. Este "durísimo varapalo" obriga a convocar unha reunión urxente da comisión executiva da Federación, segundo afirmou Caballero.
xoves, 27 xuñ 2013
O alcalde e vicepresidente da FEMP participou onte mércores na reunión da Comisión Nacional de Administración Local, onde o ministro de Facenda, Cristóbal Montoro, felicitou a Caballero polo plan de amortización de débeda do Concello de Vigo.
xoves, 27 xuñ 2013
Abel Caballero tildou hoxe xoves de "inxusta" a eventual resolución europea que obrigaría a devolver boa parte das bonificacións fiscais do naval desde o ano 2005. Avanzou o seu apoio á manifestación convocada esta tarde polos sindicatos porque esta decisión do comisario de Competencia, Joaquín Almunia, provocaría danos "irreparables" no sector.
xoves, 27 xuñ 2013
O alcalde de Vigo fixo unha análise pormenorizada da situación económica que estamos a atravesar, cunhas consecuencias "demoledoras" que obrigan a remontarse ata 1930 para atopar un contexto negro similar. Durante un acto promovido polo Banco Santander e o Faro de Vigo, Caballero referiuse á automoción como un dos sectores capaces de facerlle frente á crise nunha cidade que tamén destaca polo seu carácter emprendedor.
