Abel Caballero participou este venres na sinatura dun convenio entre a Zona Franca e Asime para a promoción das edicións de 2019 e 2021 desta nova feira, que acollerá Vigo e na que estarán presentes as empresas líderes do sector industrial, metalúrxico, metalmecánico e das tecnoloxías asociadas, de dentro e fóra de España.
O alcalde de Vigo e presidente da FEMP, Abel Caballero, anuncia a creación dun grupo de traballo na Federación para cooperar na proposta normativa contra a trata, logo de reunirse este xoves en Madrid coa vicepresidenta en funcións do Goberno de España, Carmen Calvo.
O alcalde de Vigo e o ministro de Ciencia, Innovación e Universidades mantiveron este xoves unha reunión na cidade, logo dunha visita de Duque aos principais centros científicos e tecnolóxicos vigueses. Na entrevista participaron o delegado da Zona Franca, David Regades, e a presidenta da Deputación, Carmela Silva.
Abel Caballero mantivo un encontro este mércores co coronel Simón Venzal, novo xefe da comandancia da Garda Civil de Pontevedra, que vén de tomar posesión do seu novo cargo. O rexedor transmitiulle o seu apoio na nova responsabilidade que asume e trasladoulle a "satisfacción polo labor da Garda Civil que atende moi ben a parte rural da cidade", salientando tamén o traballo que desempeñan ao estar Vigo cerca da fronteira con Portugal.
Abel Caballero mantivo un encontro este martes coa organización de VIGOMAR, Festa do marisco de Vigo na que acordaron o "reforzo" do evento "tanto na forma como na divulgación" dotándoo, por exemplo, dunha dunha compoñente cultural dado que, en palabras do rexedor, "somos unha grande cidade turística e os eventos turístico-gastronómicos son un cheo total". Así, convidou á cidadanía viguesa e de toda España a vir degustar "o mellor marisco do mundo", entre o 5 e o 8 de setembro.
"Se Feijóo quere diálogo con Vigo ten que asegurarnos que vai en serio" e cumprir as súas promesas coa cidade, apuntou o rexedor en rolda de prensa, antes de enumerar o listado de "grandes débedas" da Xunta de Galicia coa cidade. <br />
Abel Caballero remitiu este luns unha misiva ao presidente da Xunta na que lle propón un listado de cuestións pendentes que o Goberno autonómico "debe resolver de forma inmediata antes de iniciar calquera diálogo do Concello".
Abel Caballero e David Regades deron conta do proxecto de presupostos de Zona Franca para o vindeiro exercicio aprobou o Pleno este martes. "Somos entidades cooperativas que buscamos o crecemento económico deste territorio", apunta o rexedor.
O reitor da Universidade de Vigo, Manuel Reigosa lerá o bando do Día de Galicia en Vigo, nun acto que o Concello organiza mañá martes ás 21 horas nos xardíns do Pazo de Castrelos con entrada libre para tódalas persoas que queiran sumarse. "Rompemos a tradición antiga e entra todo aquel que queira", apuntou Abel Caballero, que reiterou o seu convite "a toda a cidade" a participar desta celebración que contará tamén cunha actuación musical.
A falta da súa ratificación política, este acordo permitirá que as entidades locais poidan usar o superávit "para mellorar os servizos públicos" e "farán máis sinxela a elaboración e execución de presupostos municipais máis eficaces". <br />