martes, 7 xan 2014
A Oficiña Municipal de Consumo atendeu no 2013 preto dun centenar de peticións de asesoramento sobre as cláusulas solo, segundo explicou Caballero, quen esta mesma mañá mantivo un encontro con responsables de asociacións de afectados de varias localidades galegas. O alcalde garantiulles o apoio do Concello e avanzoulles a presentación dunha moción na que reclaman á Xunta implicación neste "abuso" que afecta a moitas persoas na nosa cidade.
venres, 27 dec 2013
O goberno de Vigo fixo hoxe venres balance do ano que remata, un 2013 cun "inmenso e incontable número de realizacións" a nivel municipal. Caballero salientou os 2.700 empregos xerados desde o Concello, os case 30 millóns de investimento na humanización dun centenar de rúas, 14 millóns en atención social fronte a crise e a reducción de débeda.
luns, 16 dec 2013
Durante o acto formal de entrada da mexicana en Barreras, o alcalde recordou que o estaleiro vigués é unha "institución" no naval español e a chegada de Pemex "alegra a toda a cidade" porque conlevará a recuperación da actividade -con catro novos barcos- e do emprego. Caballero agradeceu o "esforzo" do presidente e dos traballadores.
xoves, 12 dec 2013
Este xoves celebrouse unha concentración cidadá ás portas de numerosos concellos españois, tamén na viguesa Praza do Rei, para rexeitar o proxecto de Lei de Racionalización e Sostibilidade da Administración Local. O alcalde, vicepresidente da Federación Española de Municipios e Provincias, adiantou a presentación de cinco recursos de inconstitucionalidade.
mércores, 11 dec 2013
Caballero presidiu este mércores a reunión do padroado da Fundación, que acordou a realización dunhas xornadas temáticas sobre a presenza das áreas económicas nas institucións, a loxística e o transporte, a pesca, os sectores emerxentes, o comercio e a hostelería, e os fondos europeos no horizonte de 2020.
xoves, 5 dec 2013
O alcalde de Vigo constatou que as autoridades europeas comparten as súas críticas ao Proxecto de Lei de Racionalización e Sostenibilidade da Administración Local porque constitúe unha "seria" vulneración da autonomía dos poderes municipais en Europa. Así o explicou hoxe, á volta dunha viaxe á capital belga na que mantivo encontros con diversas autoridades, entre elas, Martin Schulz, presidente do Parlamento Europeo.
luns, 25 nov 2013
1.700 rapaces e rapazas de 23 centros escolares da cidade conformaron este luns un gran mosaico en Urzáiz para conmemorar o Día Internacional contra a Violencia de Xénero. O Consello Municipal da Muller e o Concello de Vigo chamaron a rematar contra esta "lacra", para gardarse posteriormente un minuto de silencio.
xoves, 21 nov 2013
Abel Caballero inaugurou este xoves unha nova edición de Mostrarte con obras a cargos destes dous artistas, conceptuais, experimentadores e cunha ampla traxectoria. Mostrarte, a iniciativa cultural que leva a arte aos espazos da Alcaldía, supera xa os cincuenta autores en preto de trinta exposicións.
mércores, 20 nov 2013
Abel Caballero solicita á Xunta a presentar unha enmenda in voce aos orzamentos da Xunta para que a obra da Cidade da Xustiza poida licitarse no 2014. Durante a rolda de prensa, o rexedor ratificou que o Concello xa iniciou os trámites de enaxenación das vivendas e instou ao presidente galego a "cumprir con Vigo".
luns, 18 nov 2013
O alcalde de Vigo enviou a Alberto Núñez Feijóo unha carta na que lle traslada a nova proposta do Concello para construir a Cidade da Xustiza e na que lle solicita por terceira vez unha entrevista para falar de temas de cidade competencia da Xunta. Concretamente, Caballero adxunta un relatorio de asuntos importantes como o hospital, o aeroporto, as bolsas de comedor, entre outros moitos.
