martes, 4 feb 2014
Tras unha reunión co decano co Colexio de Enxeñeiros Técnicos Industrais, impulsores da iniciativa, o alcalde de Vigo indicou que a proposta de crear un Instituto Municipal de Mediación lle parece "razonable" e será estudiado o encaixe competencial cos servizos xurídicos.
venres, 31 xan 2014
O alcalde, Abel Caballero, e a tenente de alcalde, Carmela Silva, interviron este venres durante a xornada Enfermería's Baixas, organizada polo Colexio Oficial de Enfermeiros de Pontevedra. Os profesionais debatirán sobre os coidados da enfermería para o século XXI e as novas competencias e retos do sector.
xoves, 30 xan 2014
O alcalde de Vigo organizará o próximo mércores 5 de febreiro unha reunión con representantes políticos e axentes sociais de toda a área para falar do futuro do mapa sanitario de Vigo. Na súa opinión, é preciso buscar unha solución conxunta fronte a decisión da Xunta de derivar 300.000 pacienes cara á área de Santiago o que redundará na perda de especialidades de referencia.
mércores, 29 xan 2014
Abel Caballero felicitou este mércores ao presidente e os traballadores do estaleiro Barreras, tras adxudicarse a construcción dun flotel para a mexicana PEMEX. Como requisito previo, o alcalde recordou que foi preciso solventar o problema xurdido co tax lease e, unha vez conseguido, a empresa ten demanda para iniciar a actividade e o emprego.
luns, 27 xan 2014
A Alcaldía de Vigo contará durante un mes aproximadamente cun C4 Picasso cedido por Citroën como vehículo oficial para a súa promoción. O rexedor coñeceu esta mañá de luns o coche no que se vai desprazar durante os próximos días e durante o acto, no que estivo acompañado pola tenente de alcalde, Carmela Silva, e outros concelleiros, destacou que se trata do vehículo máis vendido en España ao longo do ano pasado.
mércores, 22 xan 2014
O alcalde, Abel Caballero, e o presidente da Fundación, Miquel Molins, reuníronse este mércores para estudar a "cooperación" nas actividades da entidade en Vigo, onde ten "gran vocación" de actuación. Caballero saudou a proposta e a "forma de entender a actividade bancaria" do Sabadell, que xa desenvolveu accións no MARCO de Vigo.
venres, 17 xan 2014
O alcalde reuníuse este venres co colectivo, que ven de elaborar un estudo que "defende as condicións de Vigo para seguir sendo un partido xudicial". Segundo o proxecto do Goberno de España, a cidade olívica pasará a pertencer ao partido de Pontevedra, pese a tratar Vigo o 52% dos asuntos xudiciais da provincia.
mércores, 15 xan 2014
O alcalde de Vigo avanzou a posibilidade de que se organice este ano un festival músico-poético durante a celebración da festa da Reconquista. Así o acordou cos membros da organización de Vigueses Distinguidos cos que hoxe xoves mantivo unha reunión preparatoria do acto de entrega dos galardóns de 2014.
venres, 10 xan 2014
Abel Caballero destacou hoxe a importancia da pesca no emprego e na industria de Vigo durante a presentación do libro El sector pesqueiro en Vigo: evaluación do seu impacto socioeconómico, que tivo lugar esta mañá nas instalacións da Autoridade Portuaria. Durante a súa intervención, transmitiu a súas felicitacións ao autor do estudo, Javier Touza.
venres, 10 xan 2014
A reforma da grada de Río de Balaídos, humanizacións, creación e mellora de zonas verdes, deportivas e colexios públicos concentran o investimento de preto de 6 millóns de euros que a Xunta Local de Goberno ven de aprobar. Esta partida é o superávit de 2012 que se pode investir "porque o Concello xestiona ben", puntualizou o alcalde.