mércores, 26 feb 2014
O alcalde de Vigo acudiu este mércores ao Museo Verbum, en Samil, onde 100 escolares de quinto e sexto de Primaria, procedentes dos centros de San Salvador e Emilia Pardo Bazán, coñeceron a historia da Reconquista de Vigo coa exposición disposta polo Concello. Ao longo dos meses de marzo e abril serán 2.000 os alumnos que disfruten desta actividade.
mércores, 26 feb 2014
Magoya Méndez, actual directora financeira da Mancomunidade de Vigo será a nova xerente do ente supramunicipal. Asi o avanzou hoxe o alcalde de Vigo durante unha rolda de prensa na que explicou que vai trasladar esta proposta ao Goberno da Mancomunidade o venres 28 de febreiro.
xoves, 20 feb 2014
Abel Caballero recibiu ao cónsul honorario de Italia en Galicia, Francesco Milani, unha vez que o seu homólogo en Vigo se xubilou aos 70 anos. Milani trasladou le ao rexedor que están a buscar substituto e que pretenden que sexa un cidadá italiano. Durante a reunión, Caballero instou ao diplomático a establecer contactos co departamento de Cultura para estudar futuras colaboracións culturais, entre as que podería atoparse a exhibición dunha ópera que está a percorrer Europa con motivo do nacemento de Giuseppe Verdi.
xoves, 13 feb 2014
Caballero avanzou a súa vontade de aceptar a proposta de irmanamento coa cidade mexicana de Celaya tal e como lle solicitou por carta o alcalde da mesma, a través de empresarios locais. O rexedor explicou as ventaxes que pode ter compartir sinerxias empresarias e comerciais co principal polo de crecemento do pais azteca que, ademais, ten unha grande industria da automoción que xa mantén relacións comerciais con Vigo.
xoves, 13 feb 2014
Caballero destacou hoxe xoves a importancia de acudir á manifestación organizada pola Plataforma en defensa da sanidade pública que sairá ás 20,00 horas da Praza de España. En rolda de prensa avanzou a presencia nesta marcha da voceira socialista no Congreso dos Deputados, da tenente de alcalde, Carmela Silva así como a do propio rexedor.
mércores, 12 feb 2014
O alcalde, Abel Caballero, e o secretario xeral de Anfaco, Juan Manuel Vieites, mantiveron este mércores unha reunión na que o rexedor asegurou a cooperación do Arquivo Pacheco para esta mostra, que terá lugar en outubro. Caballero tamén lle trasladou que a confluencia de Beiramar coa rúa Coruña será bautizada como a Praza da Industria Conserveira.
mércores, 12 feb 2014
Caballero entrevistouse este mércores con Juan Carlos Escotet, presidente de Banesco -novo propietario de Novagalicia Banco-, e con Francisco Botas, conselleiro delegado do Banco Etcheverría Grupo Banesco, cita da que o alcalde saíu "moi satisfeito e coa absoluta convicción de que se está a desenvolver un proxecto bancario da maior importancia para Vigo, para as familias e para as empresas".
martes, 11 feb 2014
Caballero indicou que entregará mañá mércores á oposición unhas contas que manteñen o gasto total de 2013, contemplan 11 millóns de investimentos e incrementan un 11,75% as partidas de protección social, ata os 19,2 millóns. O Concello adica 5,3 millóns a emprego, recupera as subvencións para voos e as bolsas de inglés, inclúe 228.000 euros para o proxecto Cíes Patrimonio da Humanidade e destina 2 millóns para cheques sociais de aluguer, de alimentos e carencia enerxética das familias.
venres, 7 feb 2014
Este venres tivo lugar o acto de corte de chapa que simboliza o inicio da construcción do flotel por parte do estaleiro Barreras para a mexicana PEMEX, "simbólico da reactivación" do sector na cidade, segundo o alcalde. Caballero asegurou que "Vigo está de noraboa", amosou a súa "satisfacción" e salientou os "miles de empregos" que xerará o naval.
venres, 7 feb 2014
Abel Caballero prantexará aos grupos políticos do Concello facer un posicionamento conxunto para apoiar a petición de indulto para Carlos Rivas e Serafín Rodríguez, os sindicalistas condeados a tres anos de cárcere por formar parte dun piquete informativo no ano 2008. Logo de manter con eles un encontro, no que tamén estiveron presentes os responsables das tres centrais sindicais, o rexedor transmitiu o seu "máximo respecto a unha sentencia xudicial" ao tempo que precisou que se trata dun caso no que, seguindo todo o procedemento legal, procede solicitar o indulto.