Concello e Zona Franca acordan a instalación de fibra óptica e paneis informativos na cidade
Abel Caballero e o delegado de Zona Franca, David Regades, asinaron este luns un convenio de colaboración para a conexión mediante fibra óptica entre edificios do Consorcio e para a colocación de paneis informativos na cidade, especialmente, nas zonas dos aparcamentos.
En virtude do convenio, o Concello autoriza a Zona Franca a instalar a rede de fibra óptica e, amais, poderá empregala para as súas necesidades que, segundo indicou o alcalde, “son cada vez máis”.
Amais de autorizar a Zona Franca a despregar a fibra óptica para conectar con este sistema os seus diferentes recintos e edificacións, poderá instalar tres postes con paneis informativos de sinalización en vías públicas da cidade. O convenio ten un prazo de validez de 4 anos con posibilidade de prórroga outros catro máis. Zona Franca asumirá o pagamento que supoña a instalación dos cables de fibra óptica, cunimporte previsto de 130.000 euros.