mércores, 1 out 2014
Trátase dun acordo "da maior importancia para Citroën", que poderá ter aos seus proveedores preto, nos terreos da futura ampliación do PTL de Valladares, conveniado este mércores polo Concello e a Zona Franca. O acordo inclúe crear un espazo de co-working e a venda do edificio municipal de Areal para crear o Centro de Innovación Gastronómica de Galicia.
mércores, 1 out 2014
Tras a publicación dos orzamentos xerais do Estado para 2015, o alcalde asegurou ver "lagoas que me preocupan" nas partidas para Vigo, xa que non figuran o proxecto de Mayne para a estación de Urzáiz, o paseo de Samil, a nova Tesourería da Seguridade Social nin a reforma da Avenida de Madrid. Caballero denuncia ademais unha nova reducción da achega estatal para o MARCO.
xoves, 25 set 2014
Abel Caballero entrevistouse hoxe xoves co presidente da urbe mexicana, Ismael Pérez, de visita en Vigo á fronte dunha delegación institucional e empresarial. O alcalde anunciou que a mediados de novembro serán os vigueses os que acudan a Celaya para continuar afondando nas relacións empresarias e industriais de ambas cidades.
xoves, 25 set 2014
O alcalde de Vigo participou na I Congreso Internacional SOS-VICS que hoxe e mañá se celebra na Universidade de Vigo. Durante a súa intervención, Caballero sumouse ás voces que reclaman garantir por lei que as víctimas de violencia de xénero conten con intérpretes en todas as fases do proceso de asistencia.
mércores, 24 set 2014
O alcalde vigués participou hoxe da inauguración do novo Punto de Información e Xardín Conmemorativo do Cable Submariño de Vigo, no porto da cidade. Manifestou Caballero a súa satisfacción pola execución desta obra e a "simboloxía notable" do cable telegráfico en Vigo.
martes, 23 set 2014
O alcalde deu apoio este martes a ARVI na súa intervención ante os representantes da Reunión Anual da NAFO. A entidade presenta os seus obxectivos de futuro e, sempre desde o respecto absoluto á sustentabilidade, Caballero ve aos armadores "cargados de razón" nas cotas que demandan para España e, polo tanto, para Vigo.
luns, 22 set 2014
Vigo acolle toda a semana a 36ª reunión anual da Organización de Pesca para o Atlántico Noroeste (NAFO) e o alcalde da cidade, durante o acto de inauguración deste luns, enfatizou ante as delegacións internacionais a capacidade pesqueira viguesa e a súa vocación histórica pola sustentabilidade.
venres, 19 set 2014
Abel Caballero referiuse ao banco de tempo, ao intercambio de libros ou aos hortos urbáns como exemplos que fan de Vigo un referente en proxectos cooperativos cidadáns. Así o explicou hoxe venres durante a visita ao II Encontro Europeo de Prácticas Cooperativas que se desenvolve esta fin de semana no Edificio Municipal do Areal dentro do proxecto europeo Cooperland.
xoves, 18 set 2014
Caballero participou esta mañá na inaguración da exposición El arte de pescar coa que a Cooperativa de Armadores de Vigo arranca os actos conmemorativos do seu 50 aniversario que celebrará o próximo 2 de decembro. O alcalde loubou a traxectoria desta entidade pola súa "magnífica" labor coa pesca de Vigo.
luns, 15 set 2014
En dous anos e medio poderá estar rematada a remodelación de Balaídos, unhas obras que ascenden a preto de 30 millóns de euros, segundo explicou esta mañá o rexedor logo de manter un encontro con Rafael Louzán para concretar a aportación da administración provincial ao proxecto. Caballero amosou a súa "satisfacción" porque "xa hai recursos suficientes para acometer uns traballos pendentes na cidade desde hai 30 anos".