xoves, 27 nov 2014
O alcalde e o presidente da CEG destacaron esta mañá a importancia de que Citroën poida asegurarse a nova liña de fabricación, así como de que o naval empece a recuperarse, aínda que faga con dificultades. Así o constataron esta mañá durante unha reunión que mantiveron na Alcaldía para "revisar" a situación económica da cidade.
mércores, 26 nov 2014
O Concello de Vigo contará cunha nova ordenanza de transparencia que obrigará a que todos os concelleiros publiquen o seu patrimonio na páxina web municipal. Así o avanzou hoxe Caballero quen confiou en que esta iniciativa teña o respaldo "unánime" dos grupos para a súa próxima aprobación en Pleno.
luns, 24 nov 2014
Abel Caballero asegurou este luns que o Porto de Vigo é "un obxectivo prioritario para esta cidade" e amosouse satisfeito pola conclusión das obras de Areal, posto que a crise "se superará" e "temos que ter o porto preparado". O alcalde recordou que, á súa chegada á Alcaldía, posibilitou esta ampliación ao levantar o recurso xudicial que impedíu durante anos a execución da mesma.
mércores, 19 nov 2014
O alcalde exerceu este mércores de anfitrión e deu a benvida aos representantes dos clubs de fútbol que conforman a Liga de Fútbol Profesional (LFP), reunidos hoxe no Auditorio Mar de Vigo na súa Asamblea Xeral. Caballero eloxiou o papel do fútbol como "vertebrador" do territorio e agradeceu o traballo do Real Club Celta para que Vigo acollera esta cita e o partido de onte entre as seleccións de España e Alemaña.
mércores, 19 nov 2014
Abel Caballero participou este mércores no acto de recoñecemento, impulsado pola Cooperativa de Armadores, aos mariñeiros que perderon a vida na mar, que son recordados cunha placa e cun monumento instalado na entrada ao Porto de Vigo. O alcalde -quen felicitou a ARVI pola iniciativa no marco do seu 50 aniversario- indicou que o seu recordo "ten que permanecer na nosa memoria porque a eles lles debemos o que somos", pois da pesca "depende unha parte importante do progreso do noso país".
mércores, 19 nov 2014
O alcalde apoiou ao xuíz decano na súa petición ao TSXG de reforzar os xulgados de Familia de Vigo dada o seu volume de traballo. Tal e como avanzou en rolda de prensa, vaille trasladar esta solicitude ao ministro de Xustiza.
martes, 18 nov 2014
Abel Caballero inaugurou este martes unha nova edición de Mostrarte, o ciclo que leva aos espazos da Alcaldía obras de recoñecidos artistas da cidade. Desta volta, o goberno local programa a exposición colectiva Oceanus Nostrum, con 35 obras de 27 creadores, e o mar como nexo de unión e obxecto de tributo da mesma.
venres, 14 nov 2014
Abel Caballero avanzou hoxe venres a intención de El Corte Inglés de reforzar o seu proxecto comercial na cidade. Así llo transmitiron esta mañá ao rexedor durante un encontro no que estiveron presentes o director rexional, Javier Esteban, o responsable do centro en Vigo, Ignacio Granado e o xefe de relacións públicas, Pati Blanco.
venres, 14 nov 2014
Caballero recibiu hoxe venres de mans da empresa viguesa Lupeón SL unha maqueta do proxecto de Balaídos que foi impresa en 3D. A tecnoloxía desta compañía permite facer pezas en tempo real directamente utilizables, tal e como lle explicaron os técnicos ao rexedor.
xoves, 13 nov 2014
Caballero informou este xoves que a entidade solicitou o apoio do Concello na súa iniciativa para facer de novembro o mes da abolición da pena de morte en todo o mundo. O goberno local ubicou na Casa Galega da Cultura unha pancarta co lema "Cidades pola Vida. En contra da Pena de Morte".