luns, 31 ago 2009
A Casa da Xuvenrude acolle dende mañá, 1 de setembro e ata fin de ano, unha nova rolda de exposicións na que os mozos e mozas artistas son os protagonistas. Nesta ocasión, as obras de David Bastos e Patricia G. Varela abren esta rolda, que se pode visitar nas instalacións da rúa López Mora de e luns a venres en horario de 9 a 14 horas e de 17 a 20 horas.
mércores, 5 ago 2009
A novena edición de "O Marisquiño", que terá lugar os días 8 e 9 de agosto na chaira do Náutico de Vigo, introducirá novidades para seguir medrando e chegar a máis xente, segundo subliñou na presentación a concelleira de Xuventude, Iolanda Veloso. Se o ano pasado alcanzaron os 30.000 espectadores e 450 participantes, na edición deste ano xa contan con 700 participantes e esperan superar o número de espectadores.
venres, 3 xul 2009
O tenente de alcalde, Santi Domínguez, subliñou este venres que os campamentos de verán que organiza a Concellería de Xuventude en colaboración coa Concellería de Igualdade son "espazos de lecer que axudan a compatibilizar a vida familiar e laboral". No trancurso dunha visita que realizou ao campamento de verán que ten lugar no pavillón das Travesas, na que tamén participaron a concelleira de Xuventude e o concelleiro de Deportes, destacou a aposta que fai o goberno local ao ofertar 1.700 prazas para rapaces e rapazas de 4 a 15 anos.
venres, 26 xuñ 2009
A concelleira de Xuventude, Iolanda Veloso, presentou este venres o concurso de curtametraxes "Vigounhaedez", convocado en colaboración coa asociación xuvenil Abertal e dirixido a mozos e mozas menores de 30 anos. "Queremos que a xente nova presente a súa visión de Vigo a unha e dez da noite", explicou a concelleira, co obxectivo de organizar unha mostra con todos os traballos presentados os días 25 e 26 de setembro.
venres, 19 xuñ 2009
Na edición sorteo "Inter rail 2009", celebrado hoxe no Punto Xove da Concellería de Xuventude, participaron máis de 600 mozos e mozas, e a afortunada resultou Tamara Prieto Rodríguez. Esta concursante, xunto cun acompañante, terá a oportunidade de viaxar por Europa en tren durante 10 días e elexir os países a visitar.
xoves, 18 xuñ 2009
O Punto Xove da Concellería de Xuventude, ubicado na rúa López de Neira, acollerá mañá 19 de xuño, ás 12 horas, o sorteo do "Inter rail 2009". Nesta cuarta edición do premio sortearase un dobre inter rail na modalidade Global Pass, de xeito que dúas persoas poderán viaxar en tren gratuitamente durante 10 días, por máis de 30 países dentro dun periodo de 22 días.<br />
luns, 8 xuñ 2009
No marco da programación da Casa da Xuventude para o primeiro semestre do 2009, este servizo municipal acolle dende hoxe e ata o 19 de xuño a mostra de pintura e fotografía "Catro historias". A exposición, que mostra as obras de catro artistas que remataron os estudos de Belas Artes, pode visitarse nas instalacións de López Mora de luns a venres en horario de 9 a 14 horas e de 17 a 20 horas.
mércores, 27 mai 2009
A concelleira de Xuventude, Iolanda Veloso, anunciou hoxe que o vindeiro luns ábrese o prazo de inscrición para o programa "Verán Xove 2009", que este ano oferta un total de 1.700 prazas para rapaces e rapazas de 4 a 15 anos. A edil subliñou que esta proposta volve a incrementar o número de prazas, debido a que se trata dun programa "moi agardado e demandado por nais e pais porque é unha alternativa de lecer para o verán".
martes, 19 mai 2009
O xoves 21 de maio, ás 18.30 horas, o espazo Proxecta do Punto Xove acollerá a presentación da reportaxe fotográfica "Tempo de Nepal". Esta reportaxe amosará a experiencia vivida no Nepal por un grupo de viaxeiros e presentación contará cos comentarios dos seus protagonistas, Pramod Shrestha, Xoana Goicoa e Santiago Palas.
mércores, 13 mai 2009
O espazo Proxecta do Punto Xove da Concellería de Xuventude de Vigo acollerá mañá, ás 18.30 horas, a presentación da reportaxe fotográfica "Benín 2004". Un dos coordinadores do proxecto explicará a aplicación dun proxecto de educación para o desenvolvemento neste país africano no marco dunha cooperación da ONG belga Quinoa cunha asociación local de Benín.