venres, 28 mai 2010
O tenente de alcalde, Santi Domínguez, e a concelleira de Xuventude e Igualdade, Iolanda Veloso, clausuraron este venres o programa Empatía, no que participaron un total de 761 alumnos e alumnas de sete centros de ESO de Vigo e 15 profesores do IES Castelao. No acto os nacionalistas subliñaron que o eido da educación é un dos ámbitos fundamentais para promover a igualdade e destacaron a boa acollida que están tendo os programas que fomentan esta cultura nos centros educativos da cidade.
mércores, 26 mai 2010
A concelleira de Igualdade, Iolanda Veloso, asinou este mércores unha nova edición do convenio coa asociación Dorna, que ascende a 19.000 euros. Tras a sinatura, na que participou a responsable da entidade Aurita González, a concelleira do BNG destacou que o seu obxectivo consiste en potenciar os servizos de información ás mulleres que desenvolve a asociación e fomentar a descentralización dos servizos que ofrece a administración.
martes, 18 mai 2010
A concelleira de Xuventude, Iolanda Veloso, presentou este martes unha nova edición do programa "Verán Xove 2010", que este ano oferta preto de 2.000 prazas, o 10% delas para rapaces e rapazas con necesidades educativas especiais. A edil nacionalista subliñou que esta proposta, que comeza xa no mes de xuño ao remate do curso escolar, ofrece 220 prazas máis que o ano pasado, co obxectivo de cubrir as necesidades da cidadanía e promover a conciliación da vida laboral e familiar. O prazo de inscrición é do 1 ao 10 de xuño.
xoves, 22 abr 2010
A Concellaría de Xuventude organiza o venres 23 de abril, unha observación pública das estrelas, que terá lugar de 21:30 a 23:30h na Pista de Patinaxe de Samil. A actividades conta coa colaboración da "Asociación Astronómica de Vigo" , da "Agrupación Astronómica Rías Baixas", e da "Fundación Ceo, Ciencia e Cultura".
luns, 19 abr 2010
A Casa da Xuventude inicia dende hoxe e ata o vindeiro 23 de xullo unha nova rolda de exposicións protagonizadas por mozos e mozas artistas e que poden visitarse nas instalacións de López Mora de luns a venres en horario de 9 a 14 horas e de 17 a 20 horas. O fotógrafo Jose Manuel Ledo Santiso abre esta rolda cunha mostra que poderá visitarse ata o 30 de abril na que pretende abrir unha fiestra á realidade de Galiza, onde a natureza se amosa en todo o seu esplendor.
mércores, 14 abr 2010
A Concellería de Xuventude organiza o venres, día 16 de abril, unha visita á Vila Romana Mirambell en horario de 17:00 a 18:00 horas. As persoas interesadas en participar nesta actividade deberán acudir ás 17:00 horas no igrexado do Vao que se establece como lugar de encontro.
martes, 6 abr 2010
A Concellaría de Xuventude, a través dun convenio con RENFE, regala dous billetes InterRail para mozos e mozas da nosa cidade, co obxecto de que a mocidade teña a oportunidade de viaxar por Europa e gozar dunha experiencia inesquecible. Este ano a proposta para conseguir os billetes consiste nun concurso de fotografía co móbil.
mércores, 17 mar 2010
Desde o 15 e ata o 26 de marzo podese visitar a exposición de pintura de Yago Puentes "Cun ollo aberto" na Casa da Xuventude.Esta exposición reflicte a pouca confianza que existe nos tempos nos que vivimos, debido aos problemas económicos, problemas persoais, problemas de calquera tipo, ata problemas amorosos.
martes, 16 mar 2010
Percorridos polos principais vestixios e xacementos doutros tempos no Concello de Vigo, para achegar a riqueza patrimonial da cidade e o seu entorno a poboación xuvenil, constituen un dos principais obxectivos do Roteiros polo Vigo Arqueolóxico, que a partir do 18 de marzo se desenvolverán dacordo coa programación de actividades da Concellaría de Xuventude. As convocatorias previstas serán guiadas e gratuítas polos diferentes lugares que van desde O Castro a Toralla, pasando por Castrelos.
venres, 5 mar 2010
O segundo andar do Punto Xove, rúa López Neira 27, ofrece a exposición titulada "La Bañera con Trampolín", que ven a amosar como se pode desenvolver un proxecto de revista-obxeto, caixa de arte, desde Vigo grazas a laboura levada a cabo na cidade pola unión de algúns artistas plásticos, audiovisuais e literatrios por la unión de algunos artistas plásticos, audiovisuales y literarios.
