luns, 11 mai 2009
A Casa da Xuventude acolle dende hoxe e ata o 22 de maio a mostra fotográfica "Outono no Courel", de Jairo Mera Lorenzo. fotógrafo Pablo Iglesias. A exposición, que forma parte da programación deste servizo municipal para o primeiro semestre do 2009, pode visitarse nas instalacións de López Mora de luns a venres en horario de 9 a 14 horas e de 17 a 20 horas.
luns, 4 mai 2009
Con motivo do Ano Internacional da Astronomía, a Concellería de Xuventude convoca unha visita gratuíta ao planetario do Instituto Marítimo Pesqueiro o vindeiro martes 12 de maio ás 18 horas. En total, serán 50 mozos e mozas entre os 14 e os 35 anos os que poderán visitar estas instalación e asistir a unha clase de astronomía náutica.
venres, 24 abr 2009
Dende o vindeiro luns, 27 de abril, a Casa da Xuventude acollerá unha nova exposición baixo o título "Natureza deportiva", do fotógrafo Pablo Iglesias. A mostra, enmarcada na rolda de exposicións programada por este servizo municipal para o primeiro semestre do 2009, pode visitarse nas instalacións de López Mora de luns a venres en horario de 9 a 14 horas e de 17 a 20 horas.
mércores, 15 abr 2009
A Concellería de Xuventude propón unha iniciativa dirixida a mozos e mozas de 15 a 30 anos de idade, que consiste en respostar á pregunta "A que edificio pertence e en que rúa está a ilustración proposta?". As persoas que queiran participar poderán recoller na Casa da Xuventude mañá xoves 16 de abril a primeira pista das catro que se facilitarán para solucionar o reto.
luns, 13 abr 2009
A Concellería de Xuventude propón a actividade "Acerta coa ilustración" co gallo da celebración do Día Internacional da Información Xuvenil, o vindeiro 17 de abril. O obxectivo da iniciativa, dirixida a mozos e mozas de 15 a 30 anos de idade, consiste en dar a coñecer á mocidade as propostas que ofrece a Concellería de Xuventude mediante a resposta á pregunta "A que edificio pertence e, en que rúa está a ilustración proposta?".
mércores, 8 abr 2009
Dende o vindeiro luns, 13 de abril, a Casa da Xuventude acollerá unha nova rolda de exposicións protagonizadas por mozos e mozas artistas e que poden visitarse nas instalacións de López Mora de luns a venres en horario de 09 a 14 horas e de 17 a 20 horas. "Tempo imaxinario", das artistas licenciadas en Belas Artes pola Universidade de Vigo Haya Blanco, Carolina Caluori, María Castellanos e Olalla Cortizas, será a primeira que se exporá, do 13 ata o 24 de abril.
venres, 3 abr 2009
O tenente de alcalde, Santi Domínguez, sinalou este venres que o Centro Quérote e o exemplo da aposta que fixo o goberno da Xunta saínte a prol da mocidade. Asemade, o concelleiro salientou a valoración tan positiva que o centro está tendo por parte dos seus usuarios e usuarias. Dende o mes de xaneiro ao 31 de marzo recibíu 591 visitas presenciais, 260 en internet e 124 consultas telefónicas.
mércores, 25 mar 2009
O Punto Xove da Concellería de Xuventude proxecta o xoves, día 26 ás 18:30, o traballo "Utopía" da ilustradora e deseñadora gráfica Ana Pérez Cerviño.
mércores, 25 mar 2009
El Punto Joven de la Concejalía de Juventud proyecta el jueves, día 26 a las 18:30, el trabajo "Utopía" de la ilustradora y diseñadora gráfica Ana Pérez Cerviño.
mércores, 11 mar 2009
O Punto Xove da Concelleria de Xuventude programa para o xoves, día 12, a proxeción da curtametraxe Retornados, dirixida por Angel Alonso, gañador do certame Curtas na Rede 2007 na categoría Emigración. A actividade está organizada pola ONG viguesa Asociación Inclusión.