venres, 30 mai 2014
O alcalde informou dos principais asuntos abordados pola Xunta de Goberno Local deste venres, entre os que destaca a aprobación de humanizacións en Doutor Canoa, Baixada a Ríos e Doutor Corbal, por 345.000 euros, e dos proxectos de mellora da Subida á Madroa, Manuel Costas-Bastos, Subida á Mouteira, Seixo, Camiño Gándara e o acceso ao pavillón municipal de Coruxo, por 259.000 euros.
xoves, 29 mai 2014
O goberno local acomete este xoves a reforma do paso soterrado da Praza de América, obras de cambio de pavimentación, asfaltado e de cubrición reflectante para mellorar a luminosidade que conlevaron o peche da circulación durante a xornada. Se o tempo o permite, o tráfico recuperará a normalidade mañá.
venres, 23 mai 2014
Abel Caballero avanzou a posibilidade de apoiar na divulgación e na elaboración de proxectos conxuntos co Cluster de Xeotermia de Galicia (ACLUXEGA) dado que a maioría destas empresas están en Vigo. Así o acordaron esta mañá a longo dun encontro que mantiveron responsables da entidade e o alcalde, unha reunión na que tamén se puxo en valor o positivo impacto medioambiental do uso desta enerxía.
mércores, 14 mai 2014
O plan de asfaltados que está a axecutar o Concello de Vigo realizará melloras no firme en todas as parroquias e no casco urbano, agora que o tempo permite acometer estes traballos. No casco urbano, xa se realizaron melloras de firme por valor de 400.000 euros.
mércores, 7 mai 2014
O concelleiro de Fomento, David Regades, fixo balance dos primeiros meses de funcionamento da web do departamento, www.fomento.vigo.org, na que se informa das obras en marcha e do estado de execución das mesmas a tempo real. O edil subliñou que esta ferramenta, que visita cada vez máis xente, é empregada con asiduidade polas empresas na súa planificación.
martes, 6 mai 2014
O alcalde anunciou hoxe martes a remisión dunha carta á ministra de Fomento, Ana Pastor, na que solicita a transferencia da titularidade da Avenida de Madrid, desde o Seminario ata a Praza de España, para humanizar a entrada sur da cidade. O goberno local prevé retirar o valado e iniciar a reforma por fases desde a Praza de España.
luns, 5 mai 2014
O alcalde informou este luns da aprobación dos plans de seguridade e saúde e o nomeamento da dirección facultativa dos traballos de renovación das redes de saneamento no casco urbano, nunha primeira fase. O Concello acometerá as melloras cun orzamento próximo aos 600.000 euros nos entornos de Esperanto e da Cordoeira e en Couto Piñeiro.
martes, 29 abr 2014
O concelleiro de Fomento, David Regades, informou este martes do estado de execución do plan de asfaltados, no que o goberno local inviste dous millóns de euros, un mantemento de rúas que o Concello reforza coa contratación de oito persoas por seis meses. Máis dunha ducia de viais no rural están xa asfaltándose ou comezarán nas próximas dúas semanas.
xoves, 24 abr 2014
O plan de asfaltados que está a axecutar o Concello de Vigo realizará melloras no firme en todas as parroquias e no casco urbano. Cun orzamento de máis dun millón de euros, os traballos, explicou o rexedor, están condicionados ás condicións climatolóxicas.
martes, 22 abr 2014
O alcalde deu conta do comezo hoxe dos traballos de vallado para a posta en marcha das escaleiras mecánicas de Abeleira Menéndez, unha vez realizadas as catas correspondentes para garantir a seguridade arqueolóxica. Caballero avanzou que o resultado destes traballos terá "gran afecto na mobilidade na cidade" xa que son a "primeira actuación da historia no Vigo vertical".