luns, 21 abr 2014
O Concello comeza hoxe luns as reformas das rúas Moaña, Coutadas e Areal -no treito entre o número 106 e Miragaia-. Así o anunciou o alcalde, Abel Caballero, no transcurso dunha rolda de prensa na que explicou que o inicio dos asfaltados, previstos tamén para esta semana, dependerán das condicións metereolóxicas.
luns, 14 abr 2014
Abel Caballero avanzou hoxe luns que a semana que vén comezarán as obras de humanización nas rúas Moaña e Areal e en numerosas zonas do barrio de Teis. Ademais, tamén están en execución obras por todo o rural, así como asfaltados en moitas estradas da cidade.
xoves, 3 abr 2014
Cun investimento superior a máis de 2 millóns de euros, as obras de humanización convertiron Menéndez Pelayo "nunha zona de Vigo distinta", con 80 metros lineais máis de rúa. Durante unha visita, Caballero cualificou o resultado destes traballos "como unha das grandes transformacións na cidade" xa que antes presentaba unha sección de carril único, estreito, sen beirarrúas cun trazado en pranta e rasante sinuoso.
mércores, 2 abr 2014
Abel Caballero cifrou hoxe mércores en máis de 6 millóns o custo da humanización da rúa Camelias cando está a punto de rematar a primeira fase e de iniciarse o tramo que vai de Ourense a Doutor Marañón. Ademais destes traballos, o rexedor deu conta da posta en marcha de ducias de obras no centro e nas parroquias.
martes, 1 abr 2014
O goberno local empezará a próxima semana os traballos de humanización da segunda fase de Camelias -rúa Ourense-Doctor Marañón-, cando está a punto de rematar o tramo que vai desde Praza Independencia á rúa Ourense. Cun orzamento de preto de 2,5 millóns para as dúas fases, Caballero cualificou esta humanización "como unha das grandes obras da cidade".
xoves, 27 mar 2014
O goberno local comezará nos próximos días os traballos de humanización da segunda fase de Camelias, cando está a punto de rematar o tramo que vai desde Praza Independencia á rúa Ourense. A Xunta de Goberno local temén deu luz verde ao inicio das obras para a posta en marcha das escaleiras mecánicas da Segunda República.
xoves, 20 mar 2014
Se o tempo o permite, o Concello iniciará o plan de asfaltados o 31 de marzo na rúa Saa e continuará con Portoloureiro, Pontenova, Monte Alba, Leonardo Alonso, Fragoselo e Camiño Romeu, entre outras obras nas parroquias. O alcalde avanzou que o 22 de abril comezará en Tomás Paredes a mellora doutros 13 viais no casco urbano.
luns, 17 mar 2014
Abel Caballero visitou este luns a segunda fase da reforma da rúa Aragón, recentemente concluída, que engade unha mediana, a creación de dous parques -un infantil e outro biosaudable- e unha rotonda na confluencia con San Xoan. O alcalde anunciou que se acometerá a última etapa da humanización e recordou que, baixo o seu mandato, se investiron 30 millóns no entorno.
venres, 14 mar 2014
A reforma afectará ao treito comprendido entre o número 106 de Areal e a confluencia coa rúa Miragaia, segundo explicou este venres Caballero. A Xunta de Goberno Local aprobou o proxecto dunha obra que se acometerá en dous meses cun orzamento de 60.000 euros.
venres, 14 mar 2014
O alcalde visitou este venres a praza no Paseo Paz Andrade, xunto á igrexa de Bouzas, unha vez concluída a reforma efectuada polo Concello cun investimento próximo aos 300.000 euros. Caballero salientou que a renovación deste espazo permitiu gañar 400 metros cadrados da praia.