xoves, 22 mar 2018
O alcalde inaugurou este xoves as escaleiras mecánicas de II República, primeira obra completada en España grazas ao Fondo Europeo de Desenvolvemento Rexional (Feder) a través do programa Edusi (Desarrollo Urbano Sostenible). "Son o símbolo do que estamos a facer por Vigo", sinalou Abel Caballero.
luns, 19 mar 2018
"Este xoves día 22 poremos en funcionamento todas as escaleiras mecánicas da Porta do Sol", avanzou o alcalde este luns. Coa primeira fase xa concluida, a segunda está a piques de rematar e permitirá que a conexión entre Porta do Sol e Abeleira Menéndez estea inaugurada o xoves. O Concello adicou case dous millóns de euros ao total da obra.
xoves, 15 mar 2018
Despois da Xunta de Goberno Local celebrada este xoves, Abel Caballero informou da aprobación dos grupos de selección dos 132 beneficiarios desta iniciativa municipal, na que o goberno vigués inviste máis de 900.000 euros, cofinanciados con fondos FEDER da Unión Europea.
venres, 2 mar 2018
Abel Caballero informou este venres da aprobación do expediente de contratación da humanización da Provincial por 2,9 millóns de euros, en convenio coa Deputación que preside Carmela Silva. O Concello tamén licita as humanizacións de Serafín Avendaño, Roupeiro e Heraclio Botana por 487.000 euros.
mércores, 21 feb 2018
O goberno de Vigo amplía o Vigo Vertical cunha "nova e moi importante iniciativa", presentada este mércores por Abel Caballero. Un elevador partirá de detrás das torres do Club Financeiro e conectará coa gran praza superior da futura estación do AVE, á altura de Vía Norte. O alcalde proporá integralo na construción do edificio de Thom Mayne.
xoves, 15 feb 2018
A Xunta de Goberno Local deste xoves aprobou o contrato de aluguer con ADIF para a asunción dos terreos da antiga vía do tren en superficie, desde Urzáiz ata Redondela, por un prezo simbólico de tres mil euros anuais. "Unha vez asinado, encargaremos o proxecto" da futura senda verde, avanzou Abel Caballero.
mércores, 14 feb 2018
O goberno local ten este ano 25 millóns en actuacións para adxudicar ao rural, ademais dos 7 millóns previstos no curso 2017/18. O concelleiro de Fomento, David Regades, destacou a "aposta decidida pola economía e a xeración de empregos" e sinalou que nos últimos anos o investimento alcanzou os 100 millóns.
venres, 9 feb 2018
Encabezado polo alcalde, este venres tivo lugar o acto simbólico de colocación da primeira pedra dunha obra de case 2,8 millóns e 14 meses de duración, que suporá a renovación completa do parque e a construción dun elevador que unirá Torrecedeira con Pi y Margall.
xoves, 8 feb 2018
Abel Caballero anunciou a aprobación este xoves da contratación, os pregos de condicións e apertura da licitación da transformación da Gran Vía, de Lepanto a Praza de España, incorporando rampas mecánicas, ámbitos artísticos e culturais e novas zonas verdes no bulevar. A obra, cofinanciada por fondos FEDER da Unión Europea, sae a licitación por 9 millóns de euros.
mércores, 7 feb 2018
Segundo avanzou Abel Caballero, este venres terá lugar o acto simbólico de colocación da primeira pedra dunha obra de case 2,8 millóns e 14 meses de duración, que suporá a renovación completa do parque e a construción dun elevador que unirá Torrecedeira con Pi y Margall.