xoves, 6 feb 2020
O Concello vén de recibir unha sentenza que obriga a Vigo a pagar os autobuses dos non empadroados na cidade. A resolución xudicial baséase na Lei 2/2017, de 8 de febreiro, aprobada pola Xunta para obrigar aos vigueses a subvencionar os descontos no transporte urbano a cidadáns doutros municipios.
venres, 24 xan 2020
Abel Caballero participou este venres na Comisaría de Vigo-Redondela no acto de conmemoración do 196 aniversario da creación da Policía Nacional no que recibiron diplomas varios axentes que veñen de xubilarse a quen felicitou o rexedor. No seu discurso, Caballero recoñeceu o traballo que desenvolve o Corpo "desde a Lei e a Constitución como vertebrador das cidades" e puxo en valor a súa creación "como unha forma de entender a modernidade, a convivencia, as novas necesidades e valores" destacando a profesionalidade dos axentes da Policía Nacional.
luns, 20 xan 2020
Desde hoxe luns funciona o control de entrada de vehículos á zona vella mediante semáforo e recoñecemento de matrícula, en lugar dos pivotes. O sistema reduce os tempos de espera e elimina custos de mantemento e eventuais sinistros, polo que o goberno dirixido por Abel Caballero o estendera ao casco vello de Bouzas.
venres, 17 xan 2020
Máis de 10 litros de auga por metro cadrado en tan só 20 minutos provocaron este xoves numerosas incidencias en Vigo, ningunha de gravidade. "A cidade aguantou ben unha tromba de auga dunha magnitude considerable", asegurou o alcalde tras informar de que Bombeiros e Policía realizaron 75 intervencións.
xoves, 16 xan 2020
Un bombeiro resultou ferido a primeira hora do día cando traballaba na retirada dunha árbore que cortaba o tráfico en Fragoselo. Ademais, houbo que retirar un adorno e contedores desprazados.
luns, 13 xan 2020
Abel Caballero confirmou este luns que haberá cambios de tráfico a partir de mañá na Avenida da Gran Vía para reiniciar os traballos de instalación das ramplas mecánicas. As labores trasládanse agora á outra beira da rúa e a circulación será compartida nos carrís descendentes.
mércores, 8 xan 2020
Segundo recordou Abel Caballero, Concello e Xunta acordaran en 2016 a posta en marcha dun autobús directo de Vigo a Peinador, cun pago autonómico de 260.000 euros por ano, pero nunca se puxo en marcha. Pola contra, a Xunta si abona 340.000 euros anuais polo servizo de Santiago a Lavacolla.
xoves, 12 dec 2019
O rexedor lembrou a decisión de construír un novo parque de bombeiros en Bouzas cun orzamento de case 900.000 euros.
luns, 9 dec 2019
O alcalde estreou este luns unha nova ruta de transporte urbano entre a Praza de América e a Centro Santa Marta, en Alcabre, logo da petición das persoas maiores ingresadas na residencia para dispor dunha liña de autobús.
mércores, 4 dec 2019
Abel Caballero e Carmela Silva inauguraron este mércores un novo tramo de carril-bici operativo, o que discorre entre a Praza Independencia e o cruce de Venezuela con Gran Vía. Deste xeito, avanza un proxecto que conta cun orzamento de 4,5 millóns, dos que 3,5 proceden de fondos da Deputación de Pontevedra.