martes, 26 mai 2020
O alcalde explicou que a decisión se toma dada a recuperación da actividade comercial e de hostalería pola que se está detectando rotación no uso dos aparcamentos regulados.
luns, 25 mai 2020
O alcalde visitounos este luns nun dos tres hoteis nos que están aloxadas 22 persoas das 84 familias afectadas polo incendio, que se produciu na noite deste sábado no garaxe dun inmoble da rúa Sanjurjo Badía. O Concello adiantará o pago dos establecementos, que será repercutido ao seguro.
xoves, 21 mai 2020
A Xunta de Goberno Local aprobou a adxudicación da prestación do servizo que cubrirán 34 coidadores en toda a cidade para axudar a persoas que precisen axuda para actividades cotiás. O goberno local concedeu 34 axudas de emerxencia por valor de 8.630 euros.
martes, 19 mai 2020
O alcalde explica que estas axudas se destinan fundamentalmente a comida para a cidadanía que o precisa, un ámbito no que hoxe se distribúen 596 menús a domicilio. Amais, o goberno municipal ten acollidas a 18 vítimas de violencia de xénero en hoteis da cidade
venres, 15 mai 2020
Asegurou o alcalde que os apoios concedidos nas últimas xornadas polo Concello ás persoas vulnerables rondan de media os 9.500 euros diarios, unha cantidade cinco ou seis veces superior á rexistrada antes da pandemia. O dato sinala “a intensidade” da actuación municipal nesta crise.
xoves, 14 mai 2020
O alcalde insistiu este xoves en que Vigo precisa da colaboración de todos os cidadáns, especialmente da mocidade por ser os que presentan máis mobilidade, para que a crise sanitaria non se reproduza. Abel Caballero explicou que este mércores a Policía denunciou a un hostaleiro porque a terraza non cumpría a normativa.
martes, 12 mai 2020
Abel Caballero mostrouse este martes disposto a autorizar ampliacións das terrazas das cafeterías alí onde sexa posible, previa solicitude ao Concello e respectando sempre a prioridade dos viandantes: “Os peóns son prioritarios, que quede clara esta cuestión”, sentenciou.
martes, 12 mai 2020
O alcalde non descarta a posibilidade de seguir ampliando o número de rúas e sinala que o Concello recibe moitas peticións para que se manteñan sen tráfico unha vez rematada a situación de pandemia.
luns, 11 mai 2020
O alcalde explica que as frecuencias das liñas do autobús da cidade coincide co paso á Fase 1 do proceso de desescalada. Amais, o Concello continúa este luns co reparto de 7.500 máscaras de protección.
luns, 11 mai 2020
En dúas ocasións o goberno local lle pediu á administración autonómica aclaracións sobre as parroquias de Vigo que poderían prescindir de restricións de franxas horarias nas súas saídas. Un documento da Subdelegación do Goberno atribúe á Xunta a capacidade para definir cales son eses núcleos de poboación, unha información que, a continuación, tería que trasladar aos concellos.