Co gallo das festas do Nadal, a partir do día 11 de decembro ás 11:00 horas, reabrirase ó tráfico rodado no treito de Urzáiz entre Hernán Cortés e Gran Vía, así como no sentido ascendente de Gran Vía entre Urzáiz e María Berdiales.
A Policía Local de Vigo celebra o venres o seu día de gala no que recordarán aos compañeiros que se xubilan e darán a benvida aos 20 novos. O acto celebrarse baixo o lema "Dous corpos e un destino" no que tamén se lembra aos policías e bombeiros que participaron nos X Xogos de Policías e Bombeiros celebrados en Barcelona o pasado verán.
O Corpo de Bombeiros de Vigo contará cun grupo especializado en apuntalamentos que se sumará as dúas especialidades coas que xa conta o servicio.
As Illas Cíes contarán cun selo de correos propio no ano 2004, tal e como solicitou o Concello de Vigo.
A concellería de Seguridade, Tráfico e Transporte anuncia que a partir do próximo luns día 17 produciranse cortes de tráfico por obras e cambios no sentido de circulación en varias rúas da cidade.
O Departamento de Tráfico do Concello de Vigo estudiará a posibilidade trazada por Vitrasa de ampliar algúns dos espacios destinados a paradas de autobuses na cidade. Esta foi unha das peticións que o comité da empresa concesionaria de transporte público lle trasladou ao concelleiro Xulio Calviño ao longo dun encontro que mantiveron hoxe para evaluar o impacto no transporte público da campaña de tráfico iniciada polo Goberno municipal.
A Policía Local rexistrou onte 693 denuncias , das que 214 foron por estacionamento en dobre fila. Esta cifra rexistrouse no primeiro día da campaña para combater o estacionamento en dobre que desenvolve a concellería de Tráfico, seguridade e Transportes e que se realizará ata finais de ano.
Dende hoxe e ata o 31 de decembro ponse en marcha a segunda fase da campaña para combater o estacionamento en dobre fila que ten como lema " A dobre fila trae consecuencias" e que desenvolve a Concellería de Tráfico. 30 axentes da policía local encargaranse de controlar o aparcamento en dobre fila, en zona de discapacitados, carga e descarga, paradas e carrilbús.
O concelleiro de Tráfico, Xulio Calviño, pediu colaboración e comprensión ós cidadáns cara os problemas de tráfico que se presenta na travesía de Vigo ó entorno do novo hipermercado. Calviño salientou que ata o mes de abril, data prevista para o remate das obras do túnel subterráneo que se está acometendo na zona, a circulación será complicada xa que non se poden establecer rutas alternativas.
Esta Alcaldía fai saber que nas vías urbanas de xurisdicción e competencia municipal en materia de tráfico, instalaranse separadores de carrís de circulación.