Pleno da Corporación
O alcalde anuncia unha reducción do 50% nas dedicacións dos concelleiros do goberno local
xoves, 16 xuñ 2011O alcalde de Vigo, Abel Caballero, informou hoxe xoves da reducción nas dedicacións do goberno local con respecto á Corporación anterior. Caballero anunciou que haberá seis dedicacións exclusivas e unha parcial, polas trece exclusivas do anterior mandato. Tras o Pleno celebrado hoxe, o grupo do PP baixará de catro a tres os seus liberados e reducirá a súa asignación económica e o BNG terá dous exclusivas.
Pleno de constitución da nova Corporación municipal de Vigo
venres, 10 xuñ 2011O Pleno de constitución da nova Corporación e elección do alcalde celébrase o sábado 11 de xuño, ás 12 horas, no auditorio municipal. Os 27 corporativos xurarán ou prometerán o seu cargo para con posterioridade proceder á elección do próximo alcalde de Vigo.
O Pleno da Corporación acolleu intervencións de colectivos laborais, educativos e cidadáns de Vigo
xoves, 5 mai 2011En sendas sesións extraordinarias, o Pleno da Corporación de Vigo escoitou hoxe xoves as intervencións da Asociación de Veciños Pontenova-Freixeiro, dos traballadores de POVISA e de Linorsa, e dos colexios Altamar e Caixanova. Estes dous centros educativos precisan dun novo centro, a Asociación veciñal defendeu o mantemento da zona verde anexa ao Museo Liste e os traballadores de POVISA e Linorsa reclamaron solución aos seus conflictos laborais.
O goberno local insta á Xunta de Galicia a consensuar co Concello un plan de emprego para a cidade
xoves, 28 abr 2011A moción, presentada polo grupo municipal socialista, reclama do goberno autonómico chegar a un acordo co Concello de Vigo para elaborar e por en marcha un plan de emprego na cidade. O texto aprobado denuncia a "paralización total" por parte da Xunta de Galicia das políticas de emprego e reclama do goberno de Núñez Feijóo a asunción das súas responsabilidades cos desempregados da cidade.
O Pleno reclama do Estado un trato "non discriminatorio" entre as entidades financeiras
xoves, 28 abr 2011A Corporación municipal de Vigo aprobou este xoves unha moción popular para que Galicia "poida contar cunha caixa evolucionada vinculada a un banco" e reclamou do Goberno de España "que nas demandas de capitalización solicitadas ás entidades financeiras teña en conta os diferentes graos de saneamento efectuados" e un trato "non discriminatorio" entre as caixas.
A corporación acorda demandar á Xunta a suba do 20% do orzamento do plan concertado de servizos sociais
xoves, 28 abr 2011O Pleno da corporación aprobou hoxe a proposta do BNG, co apoio do PSOE e os votos en contra do PP, unha moción que demanda á Xunta o incremento do 20% do orzamento do Plan Concertado destinado ao Servizo de Axuda a Domicilio e persoal de servizos sociais básicos. Na defensa da moción, a concelleira de Benestar Social, María Méndez, criticou a conxelación da achega da Xunta para prestar os servizos sociais, o cal "condena en Vigo a que haxa 300 persoas sen ter prestacións", denunciou.
O Pleno aproba por unanimidade unha moción que defende a cancelación da hipoteca coa dación da vivenda
xoves, 28 abr 2011O BNG acadou o respaldo da corporación municipal para aprobar a moción defendida pola concelleira Iolanda Veloso que solicita da Xunta instar ao goberno do Estado a impulsar unha reforma lexislativa que protexa ás persoas afectadas polas hipotecas. A concelleira nacionalista destacou que dada a elevada execución de hipotecas consecuencia da crise económica e financeira actual, é preciso que a lei admita a dación das vivendas que son residencia habitual en pagamento como cancelación da totalidade da débeda hipotecaria, así como a posibilidade de moratorias no pago para evitar o agravamento desa situación.
O goberno local reclama investimentos á Xunta e á Deputación en humanizacións e infraestruturas socioculturais e deportivas
xoves, 28 abr 2011A moción presentada polo grupo municipal socialista foi respaldada polo BNG e enmendada para reclamar das institucións provincial e autonómica que, xunto ás humanizacións, executen investimentos en infraestruturas socioculturais e deportivas en Vigo. O texto aprobado asegura que a cidadanía reclama a humanización das rúas competencia de ambas administracións polo que as insta a sumarse á política realizada polo goberno local nos últimos catro anos.
O Pleno sorteou a composición das 376 mesas electorais dos próximos comicios de maio
luns, 25 abr 2011Como é habitual, a Corporación celebrou este luns o Pleno do sorteo de formación das mesas electorais de cara aos próximos comicios locais do 22 de maio, dividido en 241 seccións, 376 mesas e 88 locais, e onde atoparanse os 3.384 membros das mesas resultantes do sorteo desta mañá. O censo de votantes ascende este ano a 237.782 persoas, entre presentes e comunitarios.