A Concellería de Xuventude do Concello de Vigo e a Asociación de Veciños Camiño Vello de Coia organizan a quinta edición do Día do Moz@, que se celebra o vindeiro sábado na Avenida de Castelao deste barrio vigués.
127 actuacións das nove bandas populares de música de Vigo comprende o programa "Música en Movemento" que presentou esta mañá o concelleiro de Festas, Ignacio López Chaves e o presidente de Federación de Bandas Populares de Música, Enrique Lorenzo.
A Concellería de Festas e Animación Sociocultural organiza o " Día da Muiñeira" o próximo domingo 6 de xuño, polo que as entidades interesadas en participar poderán facer dende ata o 28 de maio a súa inscrición.<br />
A Xunta de Goberno Local, na súa sesión de 12 de abril, aprobou as bases do VIII Concurso de Carteis "Festas do Cristo da Victoria", que ten por obxecto seleccionar un cartel para empregar na difusión deste programa cultural, organizado pola Concellería de Festas e Animación Sociocultural. O prazo de presentación dos carteis finalizará ás 14.00 horas do 28 de maio; as bases están a disposición das persoas interesadas no citado departamento, no punto de información da lonxa e na web municipal.<br /> <br /> <br />
Continua a programación do Festival Alternativo de Teatro e Danza coa representación da obra Otelo da compañía Cámara Negra, o venres 14 de maio no Auditorio Municipal ás 21.30 h.
O Festival Alternativo de Teatro e Danza programa para o mércores 12 de maio no Auditorio Municipal ás 20.30 h. a representación da obra "Inquietude" da compañía MC4DanÇa de Oporto.O Festival está organizado pola concellería de Festas e o grupo Noescafé Teatro.<br />
A Concellaría de Festas e Animación Sociocultural vai organizar un ano máis o ciclo de concertos do Xovevigo, incluído no programa das festas do verán, e que ten por obxecto contar nesta programación con grupos musicais da nosa cidade.
A primeira parte do circuíto teatral "Vigo a escena", da Concellería de Festas e Animación Sociocultural, celebrarase os meses de maio e xuño nos barrios da cidade. Este é o sexto ano do programa que constitúe unha rede municipal de teatro con 16 representacións destinadas a darlle oportunidade de exhibir o seu traballo ás compañías locais e facer partícipes do teatro aos cidadáns", explicou o concelleiro Ignacio López Chaves.
Continúa as representacións do Festival Alternativo de Teatro e Danza coa posta en escena da obra "F51.4 Macbeth" da compañía Los Cafiolos , o sábado 8 de maio ás 21.30 horas no auditorio municipal.
A compañía Fábrica de Teatro Imaginario de Bilbao coa obra "Yuri Sam" abre a terceira edición Festival Alternativo de Teatro e Danza "Vigo, a outra alternativa" que organiza a Concellería de Festas e Animación Sociocultural e a asociación Noescafe Teatro. Oito compañías traerán a Vigo, do 5 ó 15 de maio, as súas últimas montaxes realizadas fora dos estereotipos do teatro convencional para darlle paso á experimentación.